سعودی حکام نے کنگ فہد پل سے بحرین جانے والے شہریوں کے لیے نئے ضوابط جاری کیے ہیں۔
تفصیلات کے مطابق کنگ فہد پل کی انتظامیہ نے کہا ہے کہ مملکت سے بحرین جانے کے لیے سفر کے لیے قومی شناختی کارڈ پیش کرنا ضروری ہے، توکلنا ایپ میں ڈیجیٹل ورژن قابل قبول نہیں ہوگا۔
کنگ فہد پل کی انتظامیہ کے بیان کے مطابق مملکت سے بحرین جانے کے لیے سعودی شہریوں اور ان کے ہمراہیوں کی شناخت کے تقاضے پورے کیے جائیں گے۔
بیان میں کہا گیا ہے کہ شہریوں کے لیے ضروری ہوگا کہ وہ کرونا ویکسین کی تینوں ڈوز لگوا چکے ہوں، 2 ڈوز لینے والے صرف ان شہریوں کو سفر کی اجازت ہوگی جنھیں دوسری ڈوز لگوائے 3 ماہ سے زیادہ نہیں گزرے ہوں۔
جدہ: مزید 12 کچی بستیوں کی مسماری سے قبل رہائشیوں کو نوٹس
انتظامیہ کا کہنا ہے کہ 16 برس سے کم عمر شہریوں کو کرونا ویکسین کی 2 ڈوز لگوانے پر ہی سفر کی اجازت دی جائے گی، جب کہ بارہ برس سے کم عمر کے شہریوں کے لیے کووڈ میڈیکل انشورنس سفر کی بنیادی شرط ہوگی۔
انتظامیہ کے مطابق گھریلو ملازمین کے لیے توکلنا ایپ میں ان کا ریکارڈ محصن (امیون) ہونا ضروری ہے۔
