The news is by your side.

Advertisement

نسوار کے ساتھ فضائی سفر جرم قرار، برآمد ہونے پر سخت کارروائی کا فیصلہ

کراچی : نسوار کو ساتھ رکھ کر فضائی سفر کرنا جرم قرار دے دیا گیا، اس سلسلے میں سول ایوی ایشن اتھارٹی اور اے این ایف نے نوٹیفیکشن جاری کردیا۔

تفصیلات کے مطابق مشرق وسطی کے تمام عرب ممالک نے نسوار کو منشیات کی فہرست میں شامل کرلیا گیا ہے جس کے بعد سول ایوی ایشن اتھارٹی اور اینٹی نارکوٹکس فورس (اے این ایف) نے فضائی سفر میں نسوار کو ساتھ لے جانا جرم قرار دے دیا ہے ۔

اس حوالے سے نوٹیفیکشن بھی جاری کردیا گیا ہے، مسافروں کی آگاہی کیلئے اے ایس ایف نے ملک کے تمام ائرپورٹس پر انتباہی پینا فلیکس آویزاں کردیئے ہیں۔

یاد رہئے کہ مشرق وسطی کے تمام عرب ممالک کی سرزمین پر کسی بھی مسافر سے نسوار برآمد ہوئی تو مسافر کیخلاف سخت کاروائی کی جائے گی۔

ذرائع کے مطابق سول ایوی ایشن اتھارٹی  اور اینٹی نارکوٹکس فورس (اے این ایف) نے حجاج کرام کے لیے خصوصی مہم کا فیصلہ کرلیا ہے، حجاج کے سامان میں بھی نسوار ناقابل قبول ہے۔

واضح رہے کہ عراق میں سال 2018 میں نسوار کھانے کے جرم میں متعدد پاکستانیوں کو گرفتار کیا گیا تھا، جس کے بعد پاکستانی سفارت خانے نے نوٹس لے کر ڈی جی سول ایوی ایشن اتھارٹی کو ایک خط لکھا.

خط میں استدعا کی گئی کہ پاکستان سے عراق آنے والے تمام مسافروں کو نسوار ساتھ لانے اور اس کے استعمال کی روک تھام کی جائے، بصورت دیگر انہیں عراق پہنچنے پر حراست میں لے لیا جائے گا۔

Comments

comments

یہ بھی پڑھیں