The news is by your side.

Advertisement

آصف زرداری کا پمز کارڈیک سینٹر کے وی آئی پی روم میں علاج جاری

اسلام آباد: سابق صدر آصف زرداری کا پمز کارڈیک سینٹر کے وی آئی پی روم میں علاج جاری ہے، ذرایع کا کہنا ہے کہ آصف زرداری کے خون اور پیشاب کے تمام ٹیسٹ مکمل کر لیے گئے ہیں۔

تفصیلات کے مطابق ذرایع نے بتایا ہے کہ ڈاکٹرز کی تجویز پر آصف علی زرداری کو علاج کے لیے پمز اسپتال منتقل کیا گیا ہے جہاں ان کے خون اور پیشاب کے ٹیسٹ کیے گئے ہیں۔

سابق صدر کے بلڈ اور یورین ٹیسٹس کی رپورٹس رات تک موصول ہوں گی، ذرایع کا یہ بھی کہنا ہے کہ آصف زرداری کی گردن اور کمر کا ایم آر آئی کیا گیا ہے، سینے کا ایکسرے بھی کیا گیا۔

اسپتال ذرایع نے بتایا کہ آصف زرداری کو گردن اور کمر کے مہروں میں شدید تکلیف ہے، سابق صدر کو ہاتھ، پیر سن ہونے کی شکایت ہے۔

یہ بھی پڑھیں:  پیپلز پارٹی کا آصف زرداری کو اسپتال منتقل کرنے کا مطالبہ

میڈیکل بورڈ نے کل سے سابق صدر کی فزیوتھراپی شروع کرانے کا فیصلہ کیا ہے، آصف زرداری کو اس دوران ٹی وی، صوفہ، اے سی، اسٹڈی ٹیبل کی سہولیات بھی دی گئی ہیں۔

واضح رہے کہ دو دن قبل پاکستان پیپلز پارٹی نے سابق صدر آصف زرداری کو اسپتال منتقل کرنے کا مطالبہ کیا تھا، شیری رحمان نے کا کہنا تھا کہ ڈاکٹرز نے آصف زرداری کو اسپتال منتقل کرنے کی تجویز دی ہے لیکن انھیں اسپتال منتقل نہیں کیا جا رہا ہے۔

دوسری طرف بلاول بھٹو زرداری نے بھی ٹویٹ کرتے ہوئے کہا تھا کہ ان کے والد بغیر کسی جرم جیل میں قید ہیں، ڈاکٹرز نے ان کو اسپتال منتقل کرنے کی ایڈوائس دی ہے لیکن حکومت ڈاکٹرز کی اسپتال منتقل کرنے کی ہدایات کو نہیں مان رہی۔

Comments

comments

یہ بھی پڑھیں