The news is by your side.

Advertisement

’کیوی بولر بھارت کیخلاف ’آفریدی‘ کا انداز اپنائیں گے

نیوزی لینڈ کرکٹ ٹیم کے فاسٹ بولر ٹرینٹ بولٹ نے بھارت کے خلاف شاہین شاہ آفریدی کی طرح گیند کرنے کا پلان بنالیا۔

تفصیلات کے مطابق کیوی ٹیم کے فاسٹ بولر ٹرینٹ بولٹ نے بھارت کے خلاف میچ میں شاہین آفریدی کی طرح سوئنگ کرکے بھارتی ٹاپ آرڈر کو ٹھکانے لگانے کی ٹھان لی۔

بھارت اور نیوزی لینڈ کے درمیان سپر 12 مرحلے کا اہم میچ اتوار کو کھیلا جائے گا۔

شاہین آفریدی نے بھارتی اوپنر روہت شرما کو گولڈن ڈک پر ایل بی ڈبلیو آؤٹ کیا تھا جبکہ دوسرے اوپنر کے ایل راہول بھی شاندار ان سوئنگ گیند پر بولڈ کیا تھا۔

پاکستان نے بھارت کو 10 وکٹوں سے عبرتناک شکست دی تھی، کپتان بابر اعظم اور محمد رضوان نے ناقابل شکست نصف سنچریاں اسکور کی تھیں۔

ٹرینٹ بولٹ نے میڈیا سے گفتگو کرتے ہوئے کہا کہ ’شاہین نے جس طرح سے بولنگ کی وہ قابل تعریف ہے۔‘

انہوں نے کہا کہ بھارت کے پاس بہترین بیٹنگ لائن ہے اور ابتدائی وکٹیں گرنے سے ہماری ٹیم کے لیے میچ جیتنا آسان ہوجائے گا۔‘

ٹرینٹ بولٹ نے کہا کہ میں شاہین آفریدی کی طرح بولنگ کرنا چاہوں گا اور ان کی بھارت کے خلاف میچ میں بولنگ کی ویڈیو دیکھ رہا ہوں۔‘

Comments

یہ بھی پڑھیں