The news is by your side.

Advertisement

قبائلی اضلاع الیکشن، جیتنے والے آزاد ارکان حکومت سے رابطے میں ہیں، پرویز خٹک

اسلام آباد: وفاقی وزیر دفاع پرویز خٹک نے کہا ہے کہ قبائلی اضلاع سے جیتنے والے کئی آزاد ارکان حکومت سے رابطے میں ہیں۔

قبائلی اضلاع میں کامیاب الیکشن کے حوالے سے اپنے ایک بیان میں پرویز خٹک کا کہنا تھا کہ تحریک انصاف قبائلی علاقوں میں بھی اکثریتی جماعت بن کر ابھری ہے۔

پرویز خٹک کا کہنا تھا کہ پُرامن انتخابات پر سیکیورٹی فورسز، الیکشن کمیشن اور قبائلی اضلاع کے عوام مبارک باد کے مستحق ہیں، حکومت محرومیوں والے علاقوں میں ترقیاتی منصوبے بنائے گی۔

اُن کا کہنا تھا کہ جیتنےوالے کئی آزاد ارکان حکومت کے ساتھ رابطے میں ہیں،وزیر اعظم دورۂ امریکا میں پاکستانی عوام کی توقعات پر پورا اتریں گے،عمران خان برابری کی بنیاد پر پاکستان کی حقیقی تصویر اجاگر کریں گے۔

دوسری جانب تحریک انصاف کے رکن اسمبلی علی امین گنڈا پور کا کہنا تھا کہ قبائلی اضلاع میں کامیاب انتخابات سےتاریخ رقم ہوچکی، دہشت گرد حملہ دشمن کی جانب سے کامیاب انتخابات کاردعمل ہے،سیکیورٹی فورسز کی لازوال  قربانیوں سےملک  میں امن قائم ہوا، اب دہشت گردوں کےسہولت کاروں کامکمل خاتمہ کیاجائےگا۔

Comments

comments

یہ بھی پڑھیں