The news is by your side.

Advertisement

چیف جسٹس آف پاکستان کا ڈاکٹر رتھ فاؤ کو خراج تحسین

اسلام آباد: سپریم کورٹ آف پاکستان کے چیف جسٹس ثاقب نثار نے ڈاکٹر رتھ فاؤ کو خراج تحسین پیش کیا اور ان کی خدمات کو سراہا۔

چیف جسٹس ثاقب نثار نے کہا کہ ڈاکٹر رتھ فاؤ نے پوری زندگی پاکستان میں جذام کے مریضوں کی خدمت کی۔

انہوں نے کہا کہ ڈاکٹر رتھ فاؤ جیسی شخصیت صدیوں میں پیدا ہوتی ہیں، ڈاکٹر رتھ فاؤ کے انتقال سے خلا پیدا ہوگیا ہے جسے پُر کرنا مشکل ہوگا۔

یہ بھی پڑھیں: ڈاکٹررتھ فاؤ کی قومی اعزاز کے ساتھ تدفین

چیف جسٹس ثاقب نثار نے کہا کہ ڈاکٹر رتھ فاؤ کے باعث  جذام کے ہزاروں مریضوں کی زندگی تبدیل ہوگئی۔

انہوں نے کہا کہ ڈاکٹر رتھ فاؤ کو خراج تحسین پیش کرتے ہیں ان کی خدمات کو ہمیشہ یاد رکھا جائے گا۔

مزید پڑھیں: کراچی کا سول اسپتال ڈاکٹر رتھ فاؤ کے نام سے منسوب

واضح رہے کہ ڈاکٹر رتھ فاؤ کے انتقال کے بعد انہیں قومی اعزاز کے ساتھ کراچی کے مسیحی (گورا) قبرستان میں سپرد خاک کیا گیا، وہ طویل علالت کے بعد 10 اگست کو انتقال کرگئی تھیں بعد ازاں انہیں ان کی وصیت کے مطابق سپرد خاک کیا گیا۔

Print Friendly, PDF & Email

Comments

comments

یہ بھی پڑھیں