جلال آباد: افغانستان کے مشرقی شہر جلال آباد میں یکے بعد دیگر تین زور دار بم دھماکے ہوئے۔
تفصیلات کے مطابق آج ہونے والے تین مختلف دھماکوں سے جلال آباد لرز اٹھا، افغان حکام نے مطابق ان دھماکوں کے نتیجے میں کم از کم تین افراد کی ہلاکت کی تصدیق کی ہے۔
زخمی ہونے والوں کی تعداد 20 بتائی گئی ہے، جنھیںاسپتال منتقل کر دیا گیا ہے، چند کی حالت تشویش ناک ہے.صوبائی گورنر کے ترجمان کے مطابق یہ دھماکے ایک مصروف بازار میں نصب کیے گئے بم پھٹنے سے ہوئے۔
دھماکے ہوتے ہی سیکیورٹی اہل کاروں نے جائے وقوعہ کو گھیرے میں لے لیا اور امدادی کارروائی شروع ہوگئی. ابھی تک ان دھماکوں کی ذمہ داری کسی نے قبول نہیں کی۔
مزید پڑھیں: افغانستان میں معروف خاتون صحافی فائرنگ سے ہلاک
جلال آباد افغان صوبہ ننگر ہار کا مرکزی شہر ہے، جو اب داعش کا مضبوط گڑھ تصور کیا جاتا ہے.
یاد رہے کہ گزشتہ روز افغانستان میں مسلح افراد کی فائرنگ کے نتیجے میں افغان ٹیلی ویژن کی معروف خاتون صحافی مینہ مینگل ہلاک ہوگئی تھیں، یہ واقعہ افغان دارالحکومت کابل میں پیش آیا جہاں وہ سڑک پر کھڑی اپنی گاڑی کے آنے کا انتظار کررہی تھیں۔
