The news is by your side.

Advertisement

پاکستان میں موجود سعودی اقامہ ہولڈر کی پریشانی دور

ریاض: سعودی محکمہ پاسپورٹ وامیگریشن(جوازات) نے پاکستان میں موجود اقامہ ہولڈر کیلئے وضاحت پیش کی۔

عرب میڈیا کے مطابق جوازات کے ٹوئٹر ہینڈل پر سعودی اقامہ ہولڈر نے استفسار کیا کہ ایک ویکسین مملکت میں لگوائی اب پاکستان میں ہوں یہاں توکلنا ایپ اوپن نہیں ہورہی، پہلی خوراک کا ثبوت کیسے دوں؟۔

سعودی محکمہ پاسپورٹ نے وضاحت پیش کی کہ مملکت کی وزارت صحت نے کورونا سے بچاؤ کے لیے لگائی جانے والی ویکسین کا مصدقہ ریکاڈ معلوم کرنے کے لیے اسمارٹ فونز پر توکلنا اور صحتی ایپ کی سہولت فراہم کی ہوئی ہے جس کے ذریعے اقامہ ہولڈرز یا سعودی شہریوں کا ویکسینیشن ریکاڈ دیکھا جاسکتا ہے۔

یہ بھی بتایا کہ ویکسین کا سرٹیفکیٹ بھی ایپ پرموجود ہے، وہ افراد جنہوں نے ایک ویکسین سعودی عرب میں لگوائی ہے انہیں چاہیے کہ صحتی ایپ کو اپ ڈیٹ کریں جس کے بعد ان کا ویکسینیشن اسٹیٹس بھی اپ ڈیٹ ہوجائے گا۔

جوازات کا کہنا تھا کہ وزارت صحت کی جانب سے جاری کردہ ایپ صحتی پاکستان میں بھی کام کرتی ہے۔

خیال رہے کہ سعودی ایپ توکلنا پاکستان میں کام نہیں کرتی، ممکنہ طور پر مرحلہ وار یہ سہولت بھی یہاں موجود سعودی اقامہ ہولڈرز کو فراہم کردی جائے گی۔

Comments

یہ بھی پڑھیں