The news is by your side.

Advertisement

ڈرامہ سیریل تشکیلات: ترک انٹیلی جنس کی عالمی سازشوں‌ کو ناکام بنانے کی کہانی

انقرہ: ترکی میں بنائے جانے والے نئے ڈرامہ سیریل ’تشکیلات‘ نے آتے ہی دھوم مچادی۔

اے آر وائی نیوز کے مطابق ترک انٹیلی جینس کی کامیاب کارروائیوں کے حوالے سے بنائے جانے والے ڈرامہ سیریل ’تشکیلات‘ کا چرچا شروع ہوگیا ہے۔

سرکاری ٹی وی ترک ریڈیو اینڈ ٹیلی ویژن کارپوریشن ( ٹی آر ٹی) پر نشر ہونے والے ڈرامہ سیریز میں ترک انٹیلی جینس کی جانب سے ترکی کے خلاف ہونے والی بین الاقوامی سازشوں کو ناکام بناتا دکھایا گیا ہے۔

اس ڈرامے کی کہانی دراصل انٹیلی جنس کارروائیوں کے گرد ہی گھومتی ہے، جس میں خفیہ ایجنسی (ایم آئی ٹی) ترک مخالف کارروائیوں اور سازشوں کو ناکام بنانے کی کہانی دکھائی گئی ہے۔

تشکیلات میں جان دار اداکاری، سسپنس اور ٹیکنالوجی کی مدد سے بہترین منظرکشی کی گئی ہے، جس میں ترکی کے مسلح ڈرون طیارے بھی نظر آرہے ہیں۔

اس ڈرامے کے حوالے سے صرف تین ماہ میں سوشل میڈیا پر 6 لاکھ سے زائد ٹویٹس کیے گئے جبکہ اسے اب تک تیس لاکھ شائقین دیکھ چکے ہیں۔

سوشل میڈیا صارفین  اس ڈرامے کے حوالے سے اپنے خیالات کا اظہار کررہے ہیں۔ ایک صارف نے لکھا کہ ’تشکیلات ڈرامہ نہیں ایک پیغام ہے کہ ترکی کےساتھ چھیڑچھاڑنہ کی جائے‘۔

Comments

یہ بھی پڑھیں