The news is by your side.

Advertisement

ٹرو کالر کا اہم فیچر ختم

موبائل آپریٹنگ سسٹم اینڈرائیڈ فون کی مشہور ایپلی کیشن ٹرو کالر نے اپنے کال ریکارڈنگ فیچر کو ختم کردیا ہے، ٹرو کالرنے اس فیچر کو ختم کرنے کا فیصلہ پلے اسٹور کی نئی پالیسی کے تناظر میں کیا ہے۔

گوگل کی جانب سے اینڈرائیڈ آپریٹنگ سسٹم 10 اور اس سے زائد پر چلنے والے اسمارٹ فون کے لیے پالیسی اپ ڈیٹ کی گئی ہے، جس کے تحت استعمال کنندگان کی پرائیویسی کو مزید بہتر بنایا گیا ہے۔

اس پالیسی کے تحت گوگل نے اعلان کیا تھا کہ 11 مئی سے تھرڈ پارٹی ایپلی کیشن کو ایکسیسبلیٹی اے پی آئی (ایپلی کیشن پروگرامنگ انٹر فیس) تک رسائی روک دی جائے گی۔

تاہم پہلے سے موجود فرسٹ پارٹی ڈائلرز ایپ اور گوگل کی ڈائلر ایپلی کیشن کو مخصوص خطوں میں استعمال کنندگان کی فون کالز کو ریکارڈ کرنے کی اجازت دی جائے گی۔

ٹرو کالر کی جانب سے جاری بیان میں کہا گیا ہے کہ ان کی ایپ پر استعمال کنندگان کے لیے کال ریکارڈنگ کی سہولت مفت میسر تھی تاہم اس کے لیے صارفین کو گوگل ایکسیسبلیٹی اے پی آئی سے اجازت درکار ہوتی تھی۔

بیان کے مطابق کمپنی نے صارفین کی جانب سے بڑھتی ہوئی طلب کے بعد اس فیچر کو شامل کیا تھا، تاہم گوگل اپ ڈیٹڈ ڈیولپر پروگرام پالیسز کے مطابق اب ہم اپنے صارفین کو کال ریکارڈنگ کی سہولت فراہم کرنے سے قاصر ہیں۔

گوگل کا اس حوالے سے کہنا ہے کہ ایکسیسبلیٹی اے پی آئی کو ریموٹ کال آڈیو ریکارڈنگ کے لیے بھی درخواست نہیں کی جاسکتی۔

Comments

یہ بھی پڑھیں