صدر ڈونلڈ ٹرمپ ایک بار پھر امریکی میڈیا پر برس پڑے۔
ٹروتھ سوشل پر پوسٹ میں صدر ٹرمپ نے امریکی میڈیا پر تنقید کرتے ہوئے کہا ہے کہ ایران سرنڈر کرے اور تسلیم کرے بحریہ ختم ہو چکی، ایرانی بحریہ سمندربرد ہو چکی ہو تو بھی امریکی میڈیا ایران کو فاتح قرار دے گا، ایران تسلیم کرے فضائیہ بھی باقی نہیں تو بھی فیک نیوز میڈیا ایران کو فاتح کہےگا۔
ٹرمپ نے کہا کہ ایرانی فوج تہران سے نکل کر ہتھیار ڈالے تو بھی امریکی میڈیا ایران کو فاتح کہےگا، ایرانی فوج ہاتھ اٹھا کر سرنڈر کہے سفید جھنڈا لہرائے تو بھی امریکی میڈیا ایران کوفاتح کہےگا۔
ٹرمپ کا کہنا تھا کہ بچی کھچی ایرانی قیادت شکست دستاویز پر دستخط کرے تب بھی امریکی میڈیا کہے گا ایران کو فتح مل گئی، ایرانی قیادت امریکا کے سامنے سر جھکائے تو بھی امریکی میڈیا کہے گا ایران کو شاندار فاتح مل گئی۔
امریکی صدر نے لکھا کہ نیویارک ٹائمز، وال اسٹریٹ جرنل، سی این این و دیگر فیک نیوز میڈیا راستے سے بھٹک چکے، ڈیموکریٹس اور فیک نیوز میڈیا بالکل پاگل ہو گئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں