واشنگٹن : امریکی صدر نے ری پبلکن سینیٹرز کو تنقید کا نشانہ بناتے ہوئے کہا کہ سینیٹر باب کارکر جیسا نا اہل شخص کتے پکڑنے والے شخص کے عہدے کا بھی اہل نہیں۔
تفصیلات کے مطابق امریکی صدر نے ری پبلکن سینیٹرز پر جوابی حملہ کرتے ہوئے ایک بار پھر ٹویٹر کا سہارا لیتے ہوئے کہا کہ سینیٹر باب کارکر جیسا نا اہل شخص کتے پکڑنے والے شخص کے عہدے کا بھی اہل نہیں۔
The reason Flake and Corker dropped out of the Senate race is very simple, they had zero chance of being elected. Now act so hurt & wounded!
— Donald J. Trump (@realDonaldTrump) October 25, 2017
صدر ٹرمپ کے اس ٹوئٹ کے جواب میں سینیٹر کورکر نے بھی ایک ٹوئٹ کیا، جس میں انہوں نے کہا کہ "ایک مکمل جھوٹے صدر کی ایک اور غلط بیانی۔”
Same untruths from an utterly untruthful president. #AlertTheDaycareStaff
— Senator Bob Corker (@SenBobCorker) October 24, 2017
ٹرمپ نے ایک اور ٹویٹ میں سینیٹر جیف فلیک کو بھی تنقید کا نشانہ بنایا۔
ٹوئٹر پر تنقید کے بعد صدر ٹرمپ نے کیپٹل ہِل کا دورہ کیا تھا ، جہاں انہوں نے ری پبلکن سینیٹرز کے ساتھ کھانا کھایا اور کہا کہ بیشتر ری پبلکن سینیٹرز "عظیم لوگ ہیں جو ٹیکسوں میں بڑی کٹوتیاں اور امریکہ کو کامیاب ہوتے دیکھنا چاہتے ہیں۔
The meeting with Republican Senators yesterday, outside of Flake and Corker, was a love fest with standing ovations and great ideas for USA!
— Donald J. Trump (@realDonaldTrump) October 25, 2017
مزید پڑھیں : ری پبلکن سینیٹرز کی ٹرمپ پر تنقید، جیف فلیک کا امریکی صدر کے ساتھ نہ چلنے کا اعلان
یاد رہے کہ ری پبلکن سینیٹرز باب کارکر اور جیف فلیک نے ٹرمپ پر شدید تنقید کی تھی، جیف فلیک نے امریکی صدر کے ساتھ نہ چلنے کا اعلان کیا تھا اور کہا کہ یہ امید کرنا کہ ڈونلڈ ٹرمپ اپنے رویے میں بہتری لائیں گے تو خود کو بے وقوف بنانے کے متراف ہے۔
امور خارجہ کمیٹی کے چیئرمین سینیٹر باب کارکر کا کہنا تھا کہ صدر ٹرمپ مسلسل غلط بیانی سے امریکہ کو آلودہ کر رہے ہیں۔