واشنگٹن : امریکی صدر ڈونلڈ ٹرمپ کا کہناہےکہ وہ سفری پابندی سے متعلق ایک نئے حکم پرغور کررہےہیں،تاہم انہوں نےامید ظاہرکی ہےکہ وہ عدالتی جنگ میں کامیابی حاصل کریں گے۔
تفصیلات کےمطابق سرکاری طیارے ایئر فورس ون میں امریکی صدر نےصحافیوں سے بات کرتے ہوئےکہاکہ سفری پابندی سے متعلق ہم یہ لڑائی جیت جائیں گے۔ بدقمستی سے اس میں وقت لگے لگا۔
ڈونلڈ ٹرمپ اس مقدمے کو سپریم کورٹ میں لے جاسکتے ہیں تاہم امریکی ذرائع ابلاغ کے مطابق یہ ان کی ترجیح نہیں ہے۔
اس سے قبل جاپانی صدر شنزو ابے کے ساتھ مشترکہ پریس کانفرنس کرتے ہوئے بھی صدر ٹرمپ نے آئندہ ہفتے امریکہ میں ’اضافی سکیورٹی‘ کے اقدامات کا وعدہ کیاتھا۔
خیال رہے کہ صدر ٹرمپ نے حال ہی میں ایک صدارتی حکم نامے پر دستخط کیے تھے جس کے تحت عراق، ایران، شام، لیبیا، صومالیہ، سوڈان اور یمن سے امریکہ آنے والوں کے ویزے 90 روز تک معطل کردیے گئے تھے۔
یاد رہےکہ گزشتہ دنوں امریکی ریاست واشنگٹن کے ایک جج نے صدر ڈونلڈ ٹرمپ کی جانب سے امریکہ آمد پر لگائی جانے والی پابندی کو ملک بھر میں عارضی طور پر معطل کر دیا تھا۔
واضح رہےکہ دوروز قبل اپیل کورٹ نے سفری پابندی کے حکم نامے کی معطلی کے خلاف ٹرمپ انتظامیہ کی جانب سے دائر کے گئی اپیل کےخلاف فیصلہ سناتے ہوئے سفری پابندی کی معطلی کا فیصلہ برقرار رکھاتھا۔
