واشنگٹن : امریکی صدر ڈونلڈ ٹرمپ کا کہنا ہے کہ دنیا بھر سے امریکا میں کارگو طیارے ضروریات کا سامان لے کرآرہے ہیں تاہم غیرقانونی طورپر مقیم تارکین وطن کو امداد نہیں ملے گی۔
تفصیلات کے مطابق واشنگٹن میں وائٹ ہاؤس میں امریکی صدر ٹرمپ نے کورونا ٹاسک فورس کے ہمراہ پریس کانفرنس کی ، اٹارنی جنرل ولیم باربھی ٹرمپ کےہمراہ پریس کانفرنس میں موجود تھے۔
صدر ٹرمپ کا کہنا تھا کہ دنیا بھر سے امریکا میں کارگو طیارے ضروریات کا سامان لے کرآرہے ہیں،ڈاکٹروں،عملہ کیلئے حفا ظتی سامان براہ راست اسپتالوں کوبھجوا رہےہیں، معاشی طور پر بھرپور طریقے سے واپسی کریں گے۔
امریکی صدر نے کہا کہ ایران سمجھوتہ کرنےکیلئےبےتاب ہے، ایران کیلئےکوئی جوہری ہتھیار نہیں،طبی سازو سامان تیارکررہے ہیں۔
ان کا کہنا تھا کہ نیشنل گارڈزکوپورےملک میں متحرک کردیاہے نیشنل گارڈزریاستوں میں میڈیکل سپلائی یقینی بنارہے ہیں،نیویارک سےپیارہے،ہرممکن مددفراہم کریں گے، جس کا افسوس ہے۔
امریکی صدر نے کہا کہ ضرورت کے وقت چرچ ذمہ داری پوری نہ کرسکے جومایوس کن ہے۔چرچ متحدہوں اور لوگوں کو اجتماع اوراتواراوردیگردنوں میں ملاقاتوں سے روکیں، ایسا نہ کیا گیا توآپ دکھائی نہ دینے والے دشمن کوبڑا فائدہ دیں گے۔
امریکی وزیردفاع مارک ایسپر نے پریس کانفرنس میں کہا کہ ایران کواپنارویہ تبدیل کرناہوگا، منشیات اسمگلنگ کیخلاف بڑےآپریشن کاآغازکررہےہیں۔
سیکیورٹی ایڈوائزر رابرٹ اوبرائن نے بتایا کہ دیگرملکوں سےآنیوالی منشیات ماحول زہریلاکررہی ہے، منشیات کیخلاف کریک ڈاؤن جاری رکھیں گے۔
رکن ٹاسک فورس نے کہا ایک سےڈیڑھ سال میں کوروناویکسین تیارکرناٹارگٹ ہے۔
خیال رہےا مریکا کرونا وائرس کی جان لیوا وبا کا مرکز بن چکا ہے، امریکا میں مریضوں کی تعداد دو لاکھ سے تجاوز کرچکی ہے، امریکا میں گزشتہ چوبیس گھنٹوں کے دوران ایک ہزار افراد لقمہ اجل بن چکے ہیں جس کے بعد ملک میں شدید خوف و ہراس پھیل گیا ہے۔
نیویارک میں جان لیوا وبا نے سب سے زیادہ تباہی مچائی، جہاں اب تک 2219 لوگ ہلاک ہوچکے ہیں، نیویارک کے گورنر نے کرونا وائرس کی ہلاکت خیزی کے باعث خدشہ ظاہر کیا ہے کہ ریاست میں جان لیوا وبا کے باعث 16 ہزار تک اموات ہوسکتی ہیں۔
