احمدآباد : امریکی صدر ٹرمپ نے بھارت پہنچتے ہی مودی کوآئینہ دکھا دیا، احمدآباد اسٹیڈیم میں خطاب میں پاکستان پر بھارتی الزامات مسترد کردیئے اور پاکستان سے ملکر دہشت گردی کاخاتمہ کیا، مودی چائےوالاتھاآج بھارت کاوزیراعظم بن گیا۔
تفصیلات کے مطابق امریکی صدر ڈونلڈ ٹرمپ اپنی اہلیہ کے ہمراہ بھارت پہنچے اور احمدآباد اسٹیڈیم میں خطاب کرتے ہوئے کہا نریندرمودی احمدآباد شہر کے اسٹال پر چائے والا تھا ، آج بھارت کے کامیاب لیڈر اور وزیراعظم بن گیا ہیں۔
امریکی صدر کا کہنا تھا کہ بھارت کیلئےہمارےدل میں اہم مقام ہے، لوگ بھارتی فلموں سےمحظوظ ہوتےہیں، بھارت میں ہندو،مسلم،سکھ سمیت تمام مذاہب کےلوگ رہتےہیں۔
ٹرمپ نے پاکستان کی تعریف کرتے ہوئے کہا پاکستان سے اچھے تعلقات ہیں، پاکستان کے ساتھ ملکردہشت گردی کیخلاف کام کررہے ہیں، ان کوششوں کی بدولت پاکستان سے تعلقات میں نمایاں بہتری آئی اور اقدامات کے نتیجے میں جنوبی ایشیا کے ممالک میں کشیدگی میں کمی،خطے کی خوشحالی اورترقی کی توقع ہے۔
خیال رہے امریکی صدر ڈونلڈ ٹرمپ کی بھارت آمد پر مودی سرکار خوشی سے پھولے نہیں سمارہی اور عجیب و غریب اور بچکانہ اقدامات کئے ہیں ۔
صرف ٹرمپ کو دکھانے کے لئے دریائے جمنا میں چودہ ہزارلیٹر پانی چھوڑ دیا گیا جبکہ بھارت کے طول وعرض پر پھیلی غربت ٹرمپ کو نظر نہ آئے اس لئے احمد آباد میں ٹرمپ کے روٹ پر آنے والی جھونپڑیوں کے سامنے دیواربنادی گئی ہے۔
سب سے اہم بات یہ کہ امریکی صدر کو بندروں کے حملے سے بچانے کے لئے غلیل فورس تشکیل دی گئی ہے، سات سو اہلکاروں پر مشتمل منکی فورس تاج محل کے دورے میں صدرٹرمپ کو بندروں سے بچائے گی۔
یاد رہےمریکی وائٹ ہاؤس نے بھار ت میں انسانی حقوق کی خلاف ورزی پراظہارتشویش کرتے ہوئے کہا تھا بھارت میں اقلیتوں کےحقوق کی صورتحال پرتشویش ہے ، صدرٹرمپ دورہ بھارت میں مودی سےمذہبی آزادی پربات کریں گے، مذہبی آزادی کامعاملہ ٹرمپ انتظامیہ کے لئے انتہائی اہم ہے۔
