The news is by your side.

Advertisement

امریکا، شمالی کوریا کو ایٹمی ہتھیاروں کی دوڑ سے نکالنا چاہتا ہے، ڈونلڈ ٹرمپ

واشنگٹن: امریکی صدر ڈونلڈ ٹرمپ نے کہا ہے کہ امریکا جزیرہ نما کوریا کو جوہری ہتھیاروں سے پاک اور ایٹمی ہتھیاروں کی دوڑ سے نکالنا چاہتا ہے۔

غیر ملکی خبر رساں ادارے کے مطابق امریکی صدر ڈونلڈ ٹرمپ نے کہا ہے کہ کوریا کو جوہری ہتھیاروں سے پاک خطہ بنانے کے فیصلے پر قائم ہیں، ہمیں شمالی کوریا کی طرف سے کوئی دھمکی نہیں ملی ہے، ہم نے ایسی کوئی بات دیکھی نہ سنی، آگے کیا ہوتا ہے دیکھا جائے گا۔

امریکی حکام نے امید ظاہر کی ہے کہ جون میں شمالی کوریا کے سربراہ کم جونگ ان کے ساتھ امریکی صدر ٹرمپ کی متوقع ملاقات حالیہ واقعات کے باوجود منسوخ نہیں ہوگی۔

مزید پڑھیں: شمالی کوریا کی دھمکی پر ٹرمپ انتظامیہ بھیگی بلی بن گئی

وائٹ ہاؤس کی ترجمان سارہ سینڈرز نے کہا ہے کہ اگر ملاقات کا سلسلہ ہوتا ہے تو صدر ٹرمپ اس کے لیے پوری طرح تیار ہیں اور اگر ملاقات منسوخ ہوگئی تو امریکا، شمالی کوریا پر دباؤ ڈالنے کا سلسلہ جاری رکھے گا۔

شمالی کوریا کی جانب سے جاری کردہ بیان میں کہا گیا ہے کہ امریکی صدر ٹرمپ سے ہونے والی ملاقات سے کئی امیدیں وابستہ تھیں لیکن امریکا کی جانب سے دئیے گئے حالیہ غیر ذمہ دارانہ بیان سے شدید مایوسی ہوئی ہے۔

شمالی کوریا کے نائب وزیر خارجہ نے کہا ہے کہ اگر امریکا ہمیں کونے میں دھکیلنے کی کوشش کررہا ہے تاکہ ہم اپنا جوہری پروگرام ترک کردیں تو ہم ایسی ملاقات میں دلچسپی نہیں رکھتے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں