واشنگٹن: امریکی ایئرفورس کی گریجویشن کی تقریب میں شرکت کرنے والے امریکی صدر ڈونلڈ ٹرمپ ایک ہزار کیڈٹس سے ہاتھ ملا کر نڈھال ہوگئے۔
غیرملکی خبررساں ادارے کے مطابق امریکی صدر ڈونلڈ ٹرمپ نے کولوراڈو میں ایئرفورس اکیڈمی کی گریجویشن تقریب میں شرکت کی جہاں انہوں نے دو گھنٹے میں 990 کیڈٹس اور دیگر سینئر افسران سے ہاتھ ملایا۔
ایک ہزار مصافحوں کے بعد امریکی صدر اپنا ہاتھ سہلاتے ہوئے نظر آئے۔
ٹرمپ نے کہا کہ انتظامیہ کی جانب سے چند کیڈٹس سے مصافحہ کرنے کی تجویز دی گئی تھی لیکن میں نے فیصلہ کیا ہے سب سے ہاتھ ملاؤں گا جس پر کیڈٹس نے خوب تالیاں بجائیں۔
امریکی صدر کو اس موقع پر امریکی فائٹر جیٹ طیارے کی ایک پیٹنگ بھی بطور تحفہ پیش کی گئی۔
ڈونلڈ ٹرمپ نے کہا کہ وہ ایک بار اور اکیڈمی میں آنا پسند کریں گے اور وعدہ کرتے ہیں کہ اور ہر کیڈٹ سے ہاتھ ملائیں گے۔
Comments
- Advertisement -
