صدر ٹرمپ نے اسرائیلی وزیراعظم کو شام اور لبنان سے فوج واپس بلانے کا کہہ دیا۔
امریکی نیوز ویب سائٹ ایگزیوس کی رپورٹ کے مطابق گزشتہ جمعرات کو امریکی صدر ٹرمپ کا اسرائیلی وزیراعظم نیتن یاہو سے ٹیلیفونک رابطہ ہوا جس میں صدر ٹرمپ نے اسرائیلی وزیراعظم کو کہا اپنی افواج شام اور لبنان سے واپس بلائیں۔
ایک امریکی اہلکار نے کہا کہ ٹرمپ نے نیتن یاہو کو بتایا کہ شام کی سرزمین میں اسرائیلی فوج کی موجودگی کشیدگی کو جنم دیتی ہے اور اس میں اضافہ ہو سکتا ہے۔
امریکی اہلکار کے مطابق ٹرمپ نے نیتن یاہو سے کہا کہ وہ آپ کو وہاں (شام) میں نہیں دیکھنا چاہتے اور ایسا لبنان کے بارے میں بھی کہا گیا۔
اسرائیلی وزیر اعظم کے دفتر نے ایک بیان میں کہا کہ وزیراعظم نے اپنی طرف سے، اسرائیل کی سرحدوں کے ساتھ سیکیورٹی زونز کی ضرورت کو اٹھایا۔
