واشنگٹن:ڈونلڈ ٹرمپ کی جانب سے اپنی جارحانہ اقتصادی پالیسیوں کے تحت وزارت تجارت کو چینی مصنوعات کی درآمدات پرمزید100 ارب ڈالر سے زائد کے محصولات عائد کرنے کی ہدایات جاری کردی گئی۔
تفصیلات کے مطابق جمعرات کے روز امریکی صدر ڈونلڈ ٹرمپ نے چین کی جانب سے امریکا کے خلاف کیے گئے اقدامات کے بعد وزارت تجارت کو ہدایات دی گئی ہیں کہ چین کی منصوعات مزید 100ارب ڈالر کے محصولات عائد کیے جائیں۔
امریکی صدر ڈونلڈ ٹرمپ کا اپنے بیان میں کہنا تھا کہ ’چین کا جوابی کارروائی کرتے ہوئے امریکی مصنوعات پر ٹیکسز عائد کرنا غیر منصافانہ عمل ہے‘۔
ان کا کہنا تھا کہ’میں نے چینی حکام کی جانب سے غیر منصفانہ محصولات کے عائد کرنے کے بعد وزارت تجارت کو ہدایات دی ہیں کہ چین پر مزید 100 ارب ڈالر کے ٹیکسز عائد کیے جائے‘۔
ان کا کہنا تھا کہ ’چین نے ان اقدامات کے ذریعے ہمارے کسانوں اور صنعت کاری کے شعبے کو خطرے میں ڈال دیا ہے، امریکی صدر نے وزارت تجارت کو ہدایت کی ہے کہ کسانوں اور صنعت کاری کو بچانے کے لیےمنصوبے پر فوری عمل کیا جائے۔
چین نے ڈونلڈ ٹرمپ کی ان جارحانہ پالیسیوں خلاف ورلڈ ٹریڈ آرگنائزیشن میں درخواست جمع کروائی ہے۔
چین نے ڈونلڈ ٹرمپ کی تجارت سے متعلق ان جارحانہ پالیسیوں کے خلاف عالمی تجارتی تنظیم (ڈبلیو ٹی او) میں بھی شکایات درج کروائی گئی ہیں۔
ماہرین اقتصادیات کا خیال ہے کہ امریکا اور چین کی تجارتی جنگ سے عالمی منڈی میں بھی تجارت کے متاثر ہونے کا خدشہ ہے۔
چین نے 128 امریکی اشیاء پر 25 فیصد محصولات عائد کردئیے
خیال رہے کہ امریکا نے بھی چین سے درآمد اشیاء پر 50 بلین محصولات لگانے کا اعلان کررکھا ہے، یہ چین کی جانب سے ناجائز عمل میں کئے جانے والے اقدامات ہیں کیونکہ ان سے امریکی کمپنیاں متاثر ہوتی ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
