The news is by your side.

Advertisement

امریکی صدر کی گوگل، فیس بک اور ٹویٹر کو مقدمے کی دھمکی

واشنگٹن: امریکی صدر ڈونلڈ ٹرمپ نے سوشل میڈیا ویب سائٹس گوگل، فیس بک اور ٹویٹر کو مقدمے کی دھمکی دے دی۔

غیرملکی خبررساں ادارے کے مطابق امریکی صدر ڈونلڈ ٹرمپ نے گوگل، فیس بک اور ٹویٹر کو دھمکی دیتے ہوئے کہا ہے کہ کمپنیاں ڈیموکریٹکس کی حامی، ری پبلکنز کے خلاف تعصب کا مظاہرہ کررہی ہیں۔

امریکی صدر کا کہنا ہے کہ ٹویٹر نے لوگوں کے لیے مجھے فالو کرنا مشکل بنادیا ہے اور گوگل میری حکومت روکنے کے لیے کام کررہا ہے۔

امریکی صدر ڈونلڈ ٹرمپ کے آفیشل ٹویٹر اکاؤنٹ پر فالوورز کی تعداد 61.4 ملین ہے اور وہ اپنا پیغام شیئر کرنے کے لیے سب سے زیادہ ٹویٹر کا استعمال کرتے ہیں۔

صدر ٹرمپ کی انتظامیہ کا کہنا تھا کہ وہ اس معاملے پر میں ضابطے متعارف کرنے پر غور کررہے ہیں۔

واضح رہے کہ گزشتہ سال اگست میں بھی امریکی صدر نے سماجی رابطے کی ویب سائٹس کو دھمکیاں دیتے ہوئے کہا تھا کہ یہ ویب سائٹس تکلیف دہ حدود میں داخل ہورہی ہیں، سماجی ویب سائٹس بہت زیادہ احتیاط برتنا ہوگی۔

اس سے قبل امریکی صدر ٹرمپ کا کہنا تھا کہ گوگل پر ٹرمپ نیوز سرچ کریں تو جعلی میڈیا کی خبریں سامنے آتی ہیں، دوسرے لفظوں میں انہوں نے میرے اور دوسرے کے لیے دھاندلی کی۔

یاد رہے کہ ٹرمپ کا کہنا تھا کہ سوشل میڈیا ریپبلکنز اور قدامت پرستوں کے بارے میں تعصب رکھتا ہے اور وہ ایسا ہر گز نہیں ہونے دیں گے۔

Comments

comments

یہ بھی پڑھیں