تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امریکی صدر ڈونلڈ ٹرمپ کا نیٹو بجٹ بڑھانے پر زور

واشنگٹن: امریکی صدر ڈونلڈ ٹرمپ نے مغربی دفاعی اتحاد (نیٹو) کے بجٹ میں ایک بار پھر اضافے کا مطالبہ کیا ہے۔

تفصیلات کے مطابق امريکی صدر ڈونلڈ ٹرمپ نے مغربی دفاعی اتحاد نيٹو کے رکن ممالک پر زور دیتے ہوئے کہا ہے کہ اپنا دفاعی بجٹ بڑھانا ہی ہوگا، اس کے علاوہ کوئی چارہ نہیں ہے۔

غیر ملکی خبر رساں ادارے کے مطابق اس سے قبل بھی امریکی عہدیدار اور صدر ٹرمپ نیٹو بجٹ میں اضافے کا مطالبہ کرچکے ہیں، لیکن اس پر عمل درآمد نہیں ہوا۔

ٹرمپ کا ايک عرصے سے مطالبہ رہا ہے کہ کئی رکن ممالک، جو اپنی مجموعی قومی پيداوار کا دو فيصد نيٹو کے ليے ادا نہيں کرتے، انہيں مقررہ دو فيصد ادا کرنا چاہيے۔

صدر ٹرمپ تين روزہ دورہٴ برطانيہ کے موقع پر سياسی و کاروباری رہنماؤں سے ملاقاتوں کا سلسلہ جاری رکھا ہوا ہے۔ اس موقع پر لندن ميں ٹرمپ کی مخالفت ميں وسيع تر احتجاجی مظاہرے بھی نکالے گئے۔

قبل ازیں گذشتہ سال بیلجیئم کے دارالحکومت برسلزمیں نیٹو کا اجلاس ہوا تھا، جس میں امریکی صدر ڈونلڈ ٹرمپ نے زور دیا تھا کہ تمام اتحادی ممالک اپنی اپنی مجموعی قومی پیداوار کا 4 فیصد دفاع پر خرچ کریں تاہم اتحادی ممالک اس بات پر راضی نہ ہوئے تھے۔

Comments

- Advertisement -