نیویارک: امریکی نشریاتی ادارے سی این این نے کہا ہے کہ امریکی صدر ٹرمپ نے اپنی صرف ایک تقریر میں اکیس جھوٹے دعوے کیے ہیں۔
تفصیلات کے مطابق امریکی نشریاتی ادارے سی این این نے اپنی ویب سائٹ پر امریکی صدر ٹرمپ کے حالیہ خطاب کا جائزہ لیتے ہوئے کہا کہ ٹرمپ نے صرف ایک خطاب میں اکیس جھوٹے دعوے کئے۔
غیرملکی خبررساں ادارے کے مطابق امریکی صدر ڈونلڈ ٹرمپ اپنے جھوٹے دعووں، متنازعہ بیانات اور بے ادبی کے باعث میڈیا کی زینت بنتے رہتے ہیں، اس سے قبل بھی ان کی متعدد باتیں جھوٹی ثابت ہوچکی ہیں۔
ادھر وائٹ ہاﺅس کے ترجمان اسٹفین گریشہم نے اپنے ٹوئٹ میں اخبارات اور نیوز ایجنسیوں پر طنز کرتے ہوئے لکھا کہ امید کہ آج کے اجلاس کے بارے میں سچی خبریں دیکھنے کو ملیں گی۔
گریشہم نے ایسی حالت میں یہ ٹوئیٹ کیا کہ امریکی صدر کا پورا خطاب جھوٹ سے بھرا ہوا تھا اور ٹرمپ نے اپنے اس خطاب میں کم سے اکیس بار جھوٹے دعوے کئے۔
ٹوئٹ میں غلطی کے بعد ٹرمپ ایک بار پھر مذاق کی زد میں
ٹرمپ کے متنازعہ رویے، بیانات اور اکثر اوقات ان کی بےادبی اور جھوٹ اس بات کا باعث بنے ہیں کہ اکثر امریکی عوام اور سیاستداں انھیں صدارت کے منصب کے لائق نہیں سمجھتے۔
خیال رہے کہ جون 2017 میں ٹرمپ نے اپنے ٹوئٹر پیغام میں املے کی غلطی کی تھی جس پر انہیں ہزیمت کا سامنا کرنا پڑا تھا اور صارفین نے خوب مذاق بنایا۔
