سات مسلم ممالک کو ویزا دینے پر پابندی Seven Muslim countries
The news is by your side.

Advertisement

ٹرمپ کا سات مسلمان ممالک کے ویزا پر پابندی کا اعلان

واشنگٹن: امریکی صدر ڈونلڈ ٹرمپ نے 7 مسلم ممالک کو ویزا جاری کرنے پر پابندی عائد کرنے کا اعلان کیا ہے، ساتھ ہی انہوں نے میکسیکو کی سرحد پر دیوار تعمیر کرنے کے ایگزیکٹو آرڈر پر دستخط کردیے۔

تفصیلات کے مطابق امریکی انتظامیہ کا کہنا ہے کہ 7 خطرناک مسلم شام، عراق، ایران، لیبیا، یمن، سوڈان اور صومالیہ کے افراد بآسانی امریکا میں داخل ہوجاتے ہیں اوریہاں پناہ گزین کی زندگی بسر کرتے ہیں ، ان افراد سے امریکا کی نیشنل سیکیورٹی کو خطرہ لاحق ہوسکتا ہے، اس کے حکم نامے پر وہ جلد دستخط کریں گے۔

امریکی صدرنے میکسیکو کی سرحد پر دیوار تعمیر کرنے کی ہدایت جاری کی ہے اور کہا ہے کہ تارکین وطن کے امریکا میں داخلے پر 4 ماہ کی پابندی عائد کردی ہے اور اس پابندی کی مدت بڑھائے جانے کا بھی امکان ہے۔

واضح رہے کہ ڈونلڈ ٹرمپ نے انتخابی مہم کے دوران مسلمانوں کے حوالے سے سخت موقف اپنایا تھا اور انہوں نے وعدہ کیا تھا کہ وہ مسلمانوں کی امریکا کی سرحد پار کرنے پر پابندی عائد کریں  گے تاہم صدر کا حلف اُٹھانے کے بعد انہوں نے مسلمان ممالک پر عارضی پابندی عائد کرکے اپنا انتخابی وعدہ پورا کرنے کی کوشش کی ہے۔

خیال رہے کہ امریکا کی انتظامیہ ہزاروں غیر قانونی پناہ گزین بچوں اور افراد کے لیے اہم پالیسی مرتب کر رہی ہے جس کے تحت انہیں‌ ان کے وطن بھیجا جائے گا۔ منگل کے روز نئے  امریکی صدر ڈونلڈ ٹرمپ نے سماجی رابطے کی ویب سائٹ ٹوئٹر کے ذریعے عوام الناس کو اپنے اہم حکم سے آگاہ کیا تھا۔

اپنے ٹوئٹ میں ڈونلڈ ٹرمپ کا کہنا تھا کہ ہم نے نیشنل سیکیورٹی کے لیے اہم منصوبہ بندی مرتب کی ہے، یہ فیصلہ اہم حکمت عملی کے تحت کیا گیا ہے، ہم میکسیکو کے سرحدی مقام پر دیوار تعمیر کریں  گے۔ ٹرمپ انتظامیہ کا کہنا ہے کہ عائد کی گئی پابندی کے دوران صدر ڈونلڈ ٹرمپ امریکا میں مقیم پناہ گزینوں کے متعلق نظر ثانی کرکے فیصلہ صادر کریں گے۔


Trump to ban US visa for seven Muslim countries by arynews

میکسیکو کی سرحد پر دیوار بنانے کے ایگزیکٹو آرڈر پر دستخط

امریکی صدر ٹرمپ کی جانب سے سات مسلم ممالک کے ویزا کے حکم نامے پر جلد دستخط کیے جانے کا امکان ہے جب کہ میکسیکو کی سرحد پر دیوار تعمیر کرنے کے ایگزیکٹو آرڈر پر انہوں نے دستخط کردیے۔

امریکی میڈیا کے مطابق ایگزیکٹو آرڈر کے تحت میکسیکو کی سرحد پر دیوار کے لیے فنڈز جاری کیے جائیں گے۔

Comments

comments

یہ بھی پڑھیں