The news is by your side.

Advertisement

پاکستان کوبتادیادہشتگردوں کےخلاف فیصلہ کن کارروائی کرناہوگی،ٹرمپ

واشنگٹن : امریکی صدرڈونلڈٹرمپ نے ایک بارپھرپاکستان سے ڈومورکا مطالبہ کردیا، امریکی صدر نے کہا کہ پاکستان کو سالانہ کروڑوں ڈالر امداد دیتے ہیں ، پاکستان کو بتا دیا دہشتگردوں کے خلاف فیصلہ کن کارروائی کرنا ہوگی۔

تفصیلات کے مطابق امریکی صدرڈونلڈٹرمپ نے نئی نیشنل سیکیورٹی پالیسی کا اعلان کرتے ہوئے پاکستان سے ایک بار پھر ڈومور کا مطالبہ بھی دہرایا۔

صدر ٹرمپ کا کہنا ہے کہ پاکستان کو سالانہ کروڑوں ڈالرامداد دیتے ہیں، پاکستان کو بتادیا دہشتگردوں کے خلاف فیصلہ کن کارروائی کرناہوگی، پاکستان کو دہشت گردی کے خلاف ہماری مدد کرنا ہوگی۔

امریکی صدر نے کہا کہ امریکامیں لاکھوں غیرقانونی تارکین وطن داخل ہوتےہیں، امریکیوں نے ماضی کی غلطیوں کو مسترد کردیا ہے، ہماری ہر پالیسی امریکا پہلے کی بنیاد پر ہے، دہشت گردوں کے امریکا میں داخلے کو مشکل بنا دیا ہے۔

ایران سے کے حوالے سے انکا کہنا تھا کہ ایران پردہشت گردی کی حمایت پرپابندیاں لگائیں، داعش کوشکست دے دی ہے، شام وعراق میں داعش سے100 فیصد علاقے واپس لے لیے، داعش کا دنیا بھر میں تعاقب کریں گے۔


مزید پڑھیں :  امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ


صدرٹرمپ کا کہنا تھا کہ شمالی کوریا کے جوہری اور میزائل پروگرام کے چیلنج سے نمٹنے کے سوا امریکا کے پاس کوئی چارہ نہیں۔

یاد رہے اس سے قبل بھی رواں سال اگست میں افغانستان اور جنوبی ایشیا سے متعلق امریکی پالیسی بیان کرتے ہوئے ڈونلڈ ٹرمپ کا کہنا تھا کہ پاکستان کو دہشگردوں کےٹھکانوں کا صفایا کرنا ہوگا، امریکہ پاکستان کو اربوں ڈالر دیتا رہا ہے، پاکستان کو فوری اقدامات کرنا ہوں گے۔

امریکی صدر نے الزام لگایا تھا کہ پاکستان دہشت گردوں کو پناہ فراہم کرتارہاہے اور پاکستان میں دہشتگردوں کے محفوظ ٹھکانے ہیں، پاکستان کے عوام نے دہشتگردی کے خلاف بہت قربانیاں دیں ہیں جن کے نتائج سامنے آنا چاہئیں، پاکستان میں دہشت گردوں کی پناہ گاہوں پرخاموش نہیں رہیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں