ٹرمپ کا بیان، مختلف ممالک میں تعینات سفیروں کی اسلام آباد طلبی -
The news is by your side.

Advertisement

ٹرمپ کا بیان، مختلف ممالک میں تعینات سفیروں کی اسلام آباد طلبی

اسلام آباد : امریکی صدر ڈونلڈ ٹرمپ کی جنوبی ایشیاء اور پاکستان سے متعلق پالیسی پر غور کے لیے پاکستان نے مختلف ممالک میں موجود اپنے سفیروں کو اسلام آباد طلب کرلیا، اس حوالے سے اہم اجلاس پانچ، چھ اورسات ستمبر کو ہوگا۔

تفصیلات کے مطابق امریکی صدر کے پاکستان مخالف بیان پر غور کرنے کے لیے پاکستان نے مختلف ملکوں میں تعینات اپنے سفیروں کو اسلام آباد طلب کرلیا ہے۔

وزارت خارجہ کے ذرائع کے مطابق سفیروں کااجلاس پانچ، چھ اورسات ستمبر کو طلب کیا گیا ہے، مختلف ممالک میں تعینات سفیروں کو طلب کرکے ٹرمپ کے بیان پر ان سے رائے طلب کرنے کا فیصلہ نیشنل سیکیورٹی کمیٹی میں کیا گیا تھا۔

ذرائع کا مزید کہنا ہے کہ اجلاس میں امریکی صدر ٹرمپ کی پاکستان کےحوالے سےپالیسی اور علاقائی صورت حال پربات چیت ہوگی، اجلاس میں افغانستان کی موجودہ صورتحال اورامریکہ کے ساتھ تعلقات کا ازسر نو جائزہ بھی لیا جائے گا۔

اے آر وائی نیوز کے نمائندے شاہد میتلا کے مطابق سفیروں کے اجلاس میں طے کیا جائے گا کہ مستقبل میں پاکستان کے امریکہ سے تعلقات کیسے ہونئے چاہیئں؟

اس کے علاوہ افغانستان میں قیام امن اور طالبان قیادت کے ساتھ مذاکرات کے حوالے سے بھی بات چیت ہوگی۔ شاہد میتلا کے مطابق اجلاس کی اہم بات یہ ہے کہ اس سے قبل سفیروں کے جتنے بھی اجلاس ہوئے وہ ایک دن کے ہوا کرتے تھے لیکن اس بار یہ اجلاس تین دن تک جاری رہے گا۔

Comments

comments

یہ بھی پڑھیں