عام طور پر جب ہم کہیں تفریحی مقام پر جاتے ہیں تو کوشش یہی ہوتی ہے کہ وہاں سمندر دریا یا نہر ہو اور اگر ان تینوں کے ملنے کی کوئی امید نہ ہو تو تمنا ہوتی ہے کم از کم سوئمنگ پول ہی مل جائے۔
دنیا کے مختلف شہروں میں موسم گرما میں لوگوں کی تفریح و طبع کیلئے انتہائی جدید اور خوبصورت سوئمنگ پولز بنائے جاتے ہیں لیکن کچھ سوئمنگ پول ایسے بھی ہیں جن میں جانے سے پہلے آپ دس مرتبہ سوچیں گے۔
جی ہاں !! ایسا ہی حیرت انگیز سوئمنگ پول سنگاپور میں واقع لگژری ہوٹل کی چھت پر موجود ہے یہ سوئمنگ پول دیکھنے والوں کے رونگٹے کھڑے کردیتا ہے، یہ پول اتنی اونچائی پر بنایا گیا ہے کہ اس پول سے سنگاپور کا بہترین نظارہ کیا جاسکتا ہے۔
اس کے علاوہ دبئی کی ایک بلند بالا عمارت پر واقع ایک سوئمنگ پول کا 82 فٹ کا حصہ عمارت کے کنارے سے باہر نکلا ہوا ہے جو دنیا کے اس جدید شہر کا بہترین نظارہ بھی فراہم کرتا ہے۔
ہم آج آپ کیلئے ایک ایسے ہی سوئمنگ پول کی ویڈیو لے کر حاضر ہوئے ہیں جسے دیکھ کر آپ کی آنکھیں حیرت اور خوف کے باعث کھلی کی کھلی رہ جائیں گی۔
Nice relaxing dip in the pool 🏊♂️pic.twitter.com/iwGLUCcoiM
— Wow Terrifying (@WowTerrifying) March 6, 2023
کیونکہ بلند ترین عمارت کی چھت پر بنے اس سوئمنگ پول کا فرش شیشے کا ہے اور اس کا پانی اتنا صاف اور شفاف ہے کہ اس میں موجود شخص ایک لمحے کیلئے بلندی سے گرنے کے خوف سے ہی کانپ جاتا ہے۔
سوئمنگ پول کی مذکورہ ویڈیو سوشل میڈیا پر وائرل ہورہی ہے اور اسے اب تک ساڑھے7لاکھ سے زائد مرتبہ دیکھا جاچکا ہے اور صارفین اس پر خوب دلچسپ تبصرے بھی کررہے ہیں۔
