The news is by your side.

Advertisement

افغانستان اور بھارت میں ٹی ٹی پی دوبارہ رابطوں میں ہے، شیخ رشید

اسلام آباد : وفاقی وزیر داخلہ شیخ رشید کا کہنا ہے کہ افغانستان اور بھارت میں ٹی ٹی پی دوبارہ رابطوں میں ہے، کالعدم ٹی ٹی پی بھارت کی مدد سے حملوں میں اضافہ کررہی ہے لیکن ہماری فورسز ان دشمنوں کو ناکام بنائیں گی۔

تفصیلات کے مطابق وفاقی وزیر داخلہ شیخ رشید نے اے آر وائی نیوز سے خصوصی گفتگو کرتے ہوئے کہا کچھ دنوں سےٹی ٹی پی بھارت کی مددسےحملوں میں اضافہ کررہی ہے ہم نےچیف سیکریٹری اورحکام کوممکنہ حملوں سےمتعلق آگاہ کیا ہے، سیکیورٹی فورسزدہشت گردوں کوختم کرکےدم لیں گے۔

نوشکی اور پنجگور حملوں کے حوالے سے شیخ رشید کا کہنا تھا کہ دہشت گردوں کے زیراستعمال وہ ہی اسلحہ ہے، جو افغانستان میں چھوڑا گیا ہے۔

وفاقی وزیر داخلہ نے بتایا کہ ٹی ٹی پی سے ہمارے معاملات طےنہیں پاسکے، پاک فوج دہشت گردی کی کوششوں کوناکام بنائے گی۔

ان مزید کہنا تھا کہ5فروری کویوم کشمیرہےاور23مارچ کوپریڈہے، ملک دشمن وقت کے لیے لحاظ سے دہشت گردی کی کوشش کررہے ہیں، ہماری سیکیورٹی فورسزان ملک دشمنوں کو ناکام بنائیں گی۔

شیخ رشید نے کہا کہ افغانستان اور بھارت میں ٹی ٹی پی دوبارہ رابطوں میں ہے تاہم نوشکی میں ہنگامی طور پر موبائل فون سروس بند کر رہے ہیں۔

Comments

یہ بھی پڑھیں