حکومت پاکستان نے فیصلہ کیا ہے کہ دہشتگردانہ سرگرمیوں کے باعث کالعدم تحریک طالبان پاکستان(ٹی ٹی پی) کو ’فتنہ الخوارج‘ کہا جائے گا۔
وزارت داخلہ کی جانب سے جاری کردہ نوٹیفکیشن کے مطابق کالعدم تحریک طالبان پاکستان کو اب فتنہ الخوارج کہا جائے گا، دہشت گرد تنظیم سے وابستہ افراد کیلئے ‘مفتی’ اور ‘حافظ’ استعمال نہیں کیے جائیں گے۔
نوٹیفکیشن میں کہا گیا ہے کہ تمام خط وکتابت اور دستاویزات میں ان کے ناموں کے ساتھ لفظ’خارجی‘ لکھا اور پڑھا جائے گا۔
وزارت داخلہ کے نوٹیفکیشن کا مقصد ٹی ٹی پی تنظیم کی حقیقی نوعیت اور نظریے کی عکاسی کرنا ہے، نوٹیفکیشن میں تمام سرکاری اداروں کو ہدایت کی گئی کہ ہدایات کو فوری لاگو کریں۔
نوٹیفکیشن وفاقی وزارتوں اور دیگر انتظامی کنٹرول کے تحت محکموں اور اداروں کو ارسال کردی گئی۔
