آج پاکستان کے معروف لوک گلوکار طفیل نیازی کی برسی ہے۔ 21 ستمبر 1990 کو طفیل نیازی اس دنیا سے رخصت ہوگئے تھے۔ ملک میں ٹیلی ویژن کی افتتاحی نشریات کا آغاز اسی گلوکار کے مشہور گانے ’’لائی بے قدراں نال یاری‘‘ سے ہوا۔
طفیل نیازی 1926 میں ضلع جالندھر میں پیدا ہوئے۔ وہ ابتدائی دور میں میلوں ٹھیلوں، نوٹنکیوں میں شرکت کرتے رہے اور تاریخی و رومانوی کرداروں پر مشتمل کلاسیکی ڈراموں میں کردار نبھائے، بعد میں لوک موسیقی کی طرف متوجہ ہوئے اور لوک گیت گانے کا سلسلہ شروع کیا۔
قیامِ پاکستان کے بعد پہلے ملتان میں سکونت اختیار کی اور بعد میں لاہور چلے آئے۔ 26 نومبر 1964 کو ٹیلی ویژن کی افتتاحی نشریات کی بدولت پاکستانیوں تک ان کی آواز پہنچی۔
طفیل نیازی نے ٹیلی ویژن کے مشہور پروگرام لوک تماشا کے لیے گیت گائے اور مختلف گانوں کی دھنیں بھی ترتیب دیں۔ حکومتِ پاکستان نے انھیں صدارتی تمغہ برائے حسن کارکردگی عطا کیا تھا۔
ان کے مقبول عام گانوں میں’ساڈا چڑیاں دا چنبا وے بابل اساں اڈ جاناں‘، ’میں نی جاناں کھیڑیاں دے نال شامل ہیں۔
