site
stats
عالمی خبریں

تیونس میں ایمرٹس ائیرلائنز کے اترنے پر پابندی

تیونس : تیونس میں متحدہ عرب امارات کی ائیرلائنز کے اترنے پر پابندی لگا دی ہے ۔

تفصیلات کے مطابق تیونس کے حکام کا کہنا ہے کہ متحدہ عرب امارات کی ائیرلائنز کے تیونس میں اترنے پر پابندی عائد کردی گئی،  ایسا متحدہ عرب امارات کی جانب سے تیونس کی شہری خواتین کو متحدہ عرب امارات میں اترنے سے روکنے پر لگائی گئی ہے۔

تیونس کے وزیر ٹرانسپورٹ کے مطابق متحدہ عرب امارات کی ایئرلائنز پر پابندی اس وقت تک جاری رہیں گی جب تک اماراتی ایئرلائنز بین الاقوامی معاہدوں اور قوانین کے مطابق طریقہ کار نہیں اپناتیں۔

خیال رہے کہ چند روز قبل ایمرٹس ایئرلائن نے دبئی جانے والی چند تیونسی خواتین کو بورڈنگ دینے سے انکار کردیا تھا، جس کے بعد تیونس کی وزارت خارجہ نے متحدہ عرب امارات کے سفیر کو وزارت خارجہ میں طلب کرکے تیونس کی خوابین کے امارات سفر پر پابندی کے بارے میں وضاحت مانگی تھی۔

امارات کے سفیر کا کہنا ہے کہ یہ فیصلہ سیکیورٹی امور کے پیش نظر کیا گیا اور اب اس فیصلہ کو ختم کردیا گیا ہے اور تیونس کے تمام شہری امارات کا سفر کرسکتے ہیں۔

دوسری جانب امارات کے حکام کے مطابق پروازوں پر پابندی حفاظتی معلومات میں کمی کی وجہ سے لگی۔

امارات کے وزیر خارجہ انور گرگاش نے کہا ہے کہ وہ اپنے تیونسی بھائیوں سے سیکیورٹی معلومات کے لیے رابطہ کیا، جو مخصوص طریقہ کار کے لیے ضروری تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top