The news is by your side.

Advertisement

تیونس فٹبال ٹیم کا روزے دار گول کیپر دوران میچ گر پڑا

جنیوا : تیونس فٹبال ٹیم کے کھلاڑیوں نے ماہ رمضان میں کھیلے جانے والے میچوں کے دوران بھی روزے نہیں چھوڑے، گول کیپر نڈھال ہو کر گر پڑا۔

تفصیلات کے مطابق رمضان کے بابرکت مہینے میں تیونس کی فٹبال ٹیم بھی روزے رکھ رہی ہے، فٹبال ورلڈ کپ سے قبل کھیلے جانے والے وارم اپ میچز میں تیونس کے کھلاڑی روزے سے تھے۔

تیونس کے فٹبالرز نے روزے کی حالت میں 29مئی کو پرتگال اور یکم جون کو ترکی کے خلاف میچ کھیلے، ترکی کے خلاف میچ کے دوران تیونس کے گول کیپر معیز حسین کی حالت پیاس اور تھکن کے باعث خراب ہوئی اور وہ زمین پر گرگئے۔

ایسے میں ریفری نے میچ روک دیا اوراس وقفے کے دوران افطار کا وقت بھی ہوگیا، کھلاڑیوں نے کھجور کھانے اور پانی پینے کے بعد دوبارہ بقیہ میچ کا آغاز کردیا۔

مزید پڑھیں: فٹبال کا جنون، سپرمارکیٹ میں بھی نظر آنے لگا، ویڈیو دیکھیں


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں