منگل, فروری 18, 2025
اشتہار

ڈاکٹر علامہ طاہرالقادری جلسہ گاہ پہنچ گئے

اشتہار

حیرت انگیز

لاہور : پاکستان عوامی تحریک کے سربراہ اپنی رہائش گاہ سے جلسہ گاہ پہنچ گئے، ان کا کہنا تھا کہ ’’ کارکن ڈٹے رہیں جلد ظلم سے نجات کی صبح آنے والی ہے‘‘۔

تفصیلات کے مطابق رہائش گاہ سے جلسہ گاہ روانہ ہوتے وقت علامہ طاہر القادری کے اہل خانہ اور تحریک منہاج القرآن کے رہنما اور عوامی تحریک کے سربراہ شیخ رشید بھی موجود تھے۔

اس موقع پر طاہر القادری نے میڈیا سے گفتگو کرتے ہوئے کہا کہ آج حکمرانوں کے ظلم کو دو برس مکمل ہوگئے ہیں مگر مظلوموں کو انصاف نہیں مل سکا۔

انہوں نے مزید کہا کہ ’’جلسہ گاہ میں خطاب کے آخر میں دھرنے کے مستقبل سے متعلق لائحہ عمل دوں گا اور اس کے بعد کی صورتحال پر تفصیلی بات کروں گا‘‘۔

ڈاکٹر طاہر القادری کی آمد کے موقع پر پاکستان پیپلز پارٹی، تحریک انصاف، ق لیگ، متحدہ قومی موومنٹ سمیت دیگر سیاسی جماعتوں کے رہنما  بھی موجود تھے جن سے طاہر القادری نے فرداً فرداً ملاقات کی۔

واضح رہے سانحہ ماڈل ٹاؤن کے دو برس مکمل ہونے پر پاکستان عوامی تحریک کی جانب سے لاہور مال روڈ پر دھرنا جاری ہے، جس میں ملک بھر سے کارکنان کی بڑی تعداد نے شرکت کی ہے۔

دوسری جانب منہاح القرآن کراچی کی جانب سے نمائش چورنگی پر بھی دھرنا جاری ہے جس کے گاڑیوں کی روانی میں مشکلات کا سامنا ہے اور متعدد شاہراہوں پر گاڑیوں کی قطاریں لگ گئیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں