The news is by your side.

Advertisement

تربت :3مزدوروں کو قتل کرکے لاشیں دشت کے علاقے میں پھینک دی گئیں

تربت :  تین مزدوروں کو قتل کرکے لاشیں دشت کے علاقے میں پھینک دی گئیں جبکہ ایف سی نے کارروائی کرکے کالعدم تنظیم کےنو کارندوں کو گرفتار کرلیا۔

تفصیلات کے مطابق شرپسندوں نے ترقیاتی کمپنی میں کام کرنے والے چار مزدوروں کو اغوا کیا، بعد میں چار میں سے تین مزدورں کو گولیاں مار کر جاں بحق کردیا اور ایک مزدور بخت گل کو چھوڑ دیا۔

مقتولین کی شناخت سخی خان، جمعہ خان اور گل محمد کے ناموں سے ہوئی، مزدوروں کو تین روز قبل تربت سے میرانی ڈیم جاتے ہوئے اغوا کیا گیا تھا، قتل کے بعد لاشیں کیچ کے علاقے دشت میں پھینک دی گئیں تھیں۔

دوسری جانب ایف سی نے اغوا کارروں کے خلاف کارروائی کرتے ہوئے کالعدم تنظیم کے نو مشتبہ شرپسندوں کو گرفتار کرلیا ہے، ژوب کے علاقے کاکل میں بھی ایف سی اور حساس اداروں نے مشترکہ کارروائی کرتے ہوئے کالعدم تنظیم کے دو ٹھکانوں کو تباہ کردیا، آپریشن میں چار دہشتگردوں کو گرفتار بھی کیا گیا، کالعدم تنظیم کے ٹھکانوں سے دیگر اسلحے کے ساتھ بارودی سرنگیں برآمد ہوئیں ہیں۔

Comments

comments

یہ بھی پڑھیں