site
stats
عالمی خبریں

ترکی افواج کی کردوں کے خلاف فضائی کاروائی

انقرہ: ترک فضائیہ نے انقرہ بم دھماکوں کے بعد ملک کے جنوب مشرق اورعراق میں کرد باغیوں کےخلاف فوجی کارروائی کاآغازکردیا۔

ترک میڈیا کےمطابق ترکی کے جنگی جہازوں نے قندیل اورگارا کے علاقوں میں کردستان ورکرز پارٹی کے اسلحے کے ذخیرے سمیت اٹھارہ ٹھکانوں کو نشانہ بنایا ہے۔

واضح رہےکہ ترک دارالحکومت انقرہ میں اتوار کی شام ہونے والے دھماکے کے بعد ترک صدررجب طیب اردگان نے کہا تھا کہ حکومت دہشت گردوں کے خلاف کارروائی کرے گی اور انھیں گھٹنے ٹیکنے پر مجبور کر دے گی۔

ان کاکہناتھاکہ ملکی سالمیت اوریکجہتی کےخلاف حملے دہشت گردی کے خلاف جنگ کوکمزورنہیں ہونے دیں گے۔

یاد رہے کہ اتوارکے روز انقرہ میں ہونے والے خود کش کاربم دھماکے میں سینتیس افراد ہلاک ہوگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top