The news is by your side.

Advertisement

ترک وزیر قومی دفاع کا جی ایچ کیو کا دورہ، آرمی چیف سے ملاقات

اسلام آباد: ترک وزیر قومی دفاع نے جی ایچ کیو کا دورہ کیا اور آرمی چیف جنرل قمر جاوید باجوہ سے ملاقات کی۔ ملاقات میں علاقائی سیکیورٹی کی صورتحال پر بھی تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق ترک وزیر قومی دفاع نے جی ایچ کیو کا دورہ کیا۔ جی ایچ کیو آمد کے موقع پر ترک وزیر دفاع نے یادگار شہدا پر حاضری دی اور پھول چڑھائے۔

اس موقع پر انہوں نے آرمی چیف جنرل قمر جاوید باجوہ سے بھی ملاقات کی۔

آئی ایس پی آر کے مطابق ملاقات میں باہمی دلچسپی بشمول دفاعی سیکیورٹی تعاون پر بات چیت کی گئی۔ ملاقات میں علاقائی سیکیورٹی کی صورتحال پر بھی تبادلہ خیال کیا گیا۔

آئی ایس پی آر کا کہنا ہے کہ ترک وزیر دفاع نے دہشت گردی کے خلاف پاکستان کی کوششوں اور قربانیوں کو بھی سراہا۔

Comments

comments

یہ بھی پڑھیں