The news is by your side.

Advertisement

ترک بحری جہاز خیر سگالی دورے پر کراچی پہنچ گیا

کراچی: ترکی بحری جہاز ’ٹی سی جی گیلیبو لوکی‘ خیر سگالی دورے پر کراچی پہنچ گیا، جس کے لیے کراچی بندر گاہ پر استقبالیہ تقریب کا انعقاد کیا گیا۔

تفصیلات کے مطابق دونوں ممالک کے درمیان تعاون کو فروغ دینے اور تعلقات مزید بہتر بنانے کے لیے ترکی بحری جہاز نے پاکستان کا خیر سگالی دورہ کیا ہے۔

ترجمان پاک بحریہ کا کہنا ہے کہ ترکی جہاز کراچی پہنچ چکا ہے جو پاک ترک بحری افواج کی پہلی مشترکہ مشق ’ترگت ریز‘ میں حصہ لے گا، مشترکہ مشق کا مقصد آپریشنز کی صلاحیت اور پیشہ ورانہ مہارت کا فروغ دینا ہے۔

پاک بحریہ ملکی دفاع کے لیے پُرعزم ہے، نیول چیف

ترجمان کے مطابق ترک بحری جہاز کی کراچی بندر گاہ آمد پر پر وقار تقریب کا انعقاد کیا گیا، اس موقع پر پاک بحریہ سینٹر کے حکام اور ترک سفارت خانے کے نمائندوں نے بھی شرکت کی۔

ترجمان کا مزید کہنا تھا کہ کراچی پہنچنے والے ترک بحری جہاز کے کیپٹن اور افسران نے بعد ازاں مزار قائد پر حاضری دی اور پھولوں کے چادر بھی چڑھائے، ترک جہاز کے دورہ پاکستان سے دونوں ممالک کے درمیان تعاون کو فروغ حاصل ہوگا۔

موجوں پہ قدم، پاک بحریہ کا یوم پاکستان پرخصوصی نغمہ جاری

خیال رہے کہ گذشتہ دنوں ترک بحری افواج کے سربراہ وائس ایڈمرل عدنان عزبل نے پاک بحریہ کی مختلف فیلڈ کمانڈز کا دورہ کیا تھا بعد ازاں انہوں نے پاک بحریہ کے اعلیٰ افسران سے ملاقات بھی کی تھی جن میں کراچی ریئر ایڈمرل اطہر مختار، کمانڈر کوسٹ ریئر ایڈمرل معظم الیاس سمیت دیگر افسران شامل ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں