site
stats
اہم ترین

دو روزہ دورہ مکمل، ترک صدر وطن روانہ

لاہور: ترک صدر رجب طیب اردگان 2 روزہ دورہ مکمل کر کے ترکی روانہ ہوگئے۔ ائیرپورٹ پر وزیراعظم میاں محمد نواز شریف، وزیر اعلیٰ پنجاب شہباز شریف اور دیگر اعلیٰ حکام نے ترک صدر کو الوداع کیا۔

تفصیلات کے مطابق کل پاکستان پہنچنے والے ترک صدر دو روزہ کامیاب دورے کے بعد وطن روانہ ہوئے، وطن روانگی سے قبل وہ لاہو پہنچے جہاں اُن کا شاندار استقبال کیا گیا اور اُن کے اعزاز میں پرتکلف عشائیے کا اہتمام بھی کیا گیا۔

lhr-3

اسلام آباد سے ترک صدر مختصر دورے پر لاہور ائیرپورٹ پہنچے جہاں اُن کا وزیر اعلیٰ پنجاب شہباز شریف نے استقبال کیا۔ اس موقع پر مہمان صدر کے استقبال کے لیے ائیرپورٹ سے لے کر حضوری باغ تک سڑکوں کو سبز اور لال برقی قمقوں سے سجایا گیا تھا۔

lhr-4

حضوری باغ پہنچنے پر رجب طیب اردگان کے اعزاز میں شاندار عشائیے کا اہتمام کیا گیا، جس میں خصوصی کھانے تیار کیے گئے تھے۔ تقریب میں موسیقی کی تقریب منعقد کی گئی تھی جس میں پاکستانی فنکارہ حدیقہ کیانی نے اپنی آواز کا جادو جگایا۔

lhr1

ائیرپورٹ سے بادامی باغ تک سیکیورٹی سے سخت انتظامات کیے گئے تھے، پولیس کی نفری سے ساتھ حفاظت پر ہیلی کاپٹر بھی پروٹوکول میں شامل تھا۔ مہمان صدر کی اہلیہ پاکستان دورے پر بہت خوش نظر آئیں۔

lhr2

وزیر اعلیٰ پنجاب کی جانب سے دیے گئے عشایے میں وزیر اعظم میاں محمد نواز شریف سمیت دیگر اعلیٰ حکام نے شرکت کی بعد ازاں رجب طیب ارگان اپنی اہلیہ کے ہمراہ وطن روانہ ہوگئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top