انقرہ : ترک صدر رجب طیب اردگان نے کہا ہے کہ ترک مسلح افواج کے دستے شمالی شام میں دہشت کردوں کے خلاف ایک بڑا آپریشن کرنے جا رہی ہے جسے فرات کی ڈھال کا نام دیا گیا ہے.
وہ اپنی جماعت کے کارکنوں کی ایک بڑی ریلی سے خطاب کر رہے تھے، ترک صدر کا دہشت گردوں کے خلاف جنگ کو منطقی انجام تک پہنچانے کے عزم کا اعادہ کرتے ہوئے کہنا تھا کہ کرد ملیشیا گروپوں کے خلاف فرات کی ڈھال کے نام سے آپریشن کا آغاز کر رہے ہیں.
غیر ملکی خبر رساں ایجنسی کے مطابق ترک صدر طیب اردگان کا مزید کہنا تھا کہ آپریشن فرات کی ڈھال شمالی شام کی سرحدوں پر متحرک دہشت گردوں کے خلاف بھرپور کارروائی کرے گی اور اپنی سرزمین کی دفاع میں حائل ہر رکاوٹ کو اکھاڑ پھینکیں گے.
ترک صدر نے کہا کہ مشرق وسطی میں قیام امن کے لیے ترک کی کاوشوں میں عالمی طاقتوں کو ہاتھ بٹانا چاہیے کیوں کہ اگر شام میں دہشت گردوں کو لگام نہیں دی گئی تو یہ عفریت پوری دنیاس میں پھیل میں جائے گا جس کا انجام تباہی اور بربادی کے سوا کچھ نہ ہوگا.
