The news is by your side.

Advertisement

ترکی کی یونیورسٹی میں فائرنگ‘ 4 افراد جاں بحق

انقرہ : ترکی کے شمال مغربی صوبے کی ایک یونیورسٹی میں محقق نے فائرنگ کرکے 4 اساتذہ کو جاں بحق کردیا جبکہ پولیس نے ملزم کو گرفتارکرلیا۔

تفصیلات کے مطابق وسطی ترکی کے شہر اسکی شہر میں واقع عثمان غازی یونیورسٹی میں محقق نے فائرنگ کردی جس کے نتیجے میں اسسٹنٹ ڈین فیکلٹی، سیکرٹری، اسسٹنٹ ریسرچر اور لیکچرار جاں بحق جبکہ دیگرافراد زخمی ہوگئے۔

واقعے کی اطلاع ملنے پرپولیس نے کارروائی کرتے ہوئے فائرنگ کرنے والے پروفیسر کو گرفتار لیا، فائرنگ کے واقعے کے بعد یونیورسٹی میں تدریسی عمل معطل کردیا گیا۔

مقامی میڈیا کے مطابق فائرنگ کرنے والے شخص کی شناخت بلقان ڈی کے نام سے ہوئی ہے تاہم فوری طور فائرنگ کے محرکات سامنے نہیں آسکے ہیں۔

امریکہ: مشی گن کی یونیورسٹی میں فائرنگ‘ 2 افراد ہلاک

خیال رہے کہ گزشتہ ماہ 3 مارچ کو امریکی ریاست مشی گن کی یونیورسٹی کے کیمبل ہال میں فائرنگ کے نتیجے میں 2 افراد ہلاک جبکہ حملہ آور فرار ہونے میں کامیاب ہوگیا تھا۔

یاد رہے کہ رواں سال 15 فروری کو فلوریڈا کے ہائی اسکول میں 19 سالہ حملہ آور نے اسکول کے اندر گھستے ہی فائرنگ کردی تھی جس کے نتیجے میں 17 افراد ہلاک جبکہ متعدد زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں