انقرہ : ترکی کے دار الحکومت انقرہ میں دھماکے سے اٹھارہ افراد جاں بحق اور پینتالیس زخمی ہو گئے، ترک وزیراعظم نے دھماکے کے باعث دورہ برسلز ملتوی کر دیا۔
گورنر انقرہ کے مطابق دھماکہ کار کے ذریعے کیا گیا ،حملہ آور نے ایک فوجی بس کو نشانہ بنایا ،دھماکہ فوجی بیرکوں کے قریب ہوا جس سے تھوڑے فاصلے پر ہی ترک پارلیمنٹ ہاوس واقع ہے۔
ترک وزارت داخلہ نے تصدیق کی ہے کہ دھماکے کے باعث 18 افراد ہلاک ہو گئے ہیں جبکہ 45 سے زائد افراد زخمی ہیں، جنہیں طبی امداد دی جارہی ہے۔
زخمیوں میں بیشتر کی حالت نازک بتائی جاتی ہے ،گورنر انقرہ نے اٹھارہ افراد کی موت کی تصدیق کردی ،دھماکے بعد ترک وزیراعظم نے اپنا دورہ برسلز ملتوی کردیا۔
قانون فافذ کرنے والے اداروں نے موقع پر پہنچ کر علاقے کو گھیرے میں لے لیاہے اور دھماکے کی وجوہات کا پتہ چلانے کیلئے تحقیقات شروع کر دی گئیں ہیں۔
Comments
- Advertisement -
