The news is by your side.

Advertisement

ترک شہر انطالیہ کو 202 ماحولیاتی بلیو فلیگ ایوارڈ سے نواز دیا گیا

انقرہ: ترکی کے شہر انطالیہ کو 202 ماحولیاتی بلیو فلیگ ایوارڈ سے نواز دیا گیا، انطالیہ کو دنیا میں سب سے زیادہ ماحولیاتی ایوارڈ حاصل کرنے والے شہر کی حیثیت حاصل ہوگئی۔

تفصیلات کے مطابق دنیا کے سب سے اہم سیاحتی مراکز اور ترکی کے سیاحتی دارالحکومت کی حیثیت رکھنے والے شہر انطالیہ کو ملنے والے بین الاقوامی ماحولیاتی ایوارڈ کی تعداد 202 تک پہنچ گئی۔

غیرملکی خبررساں ادارے کے مطابق ترکی کے شہر انطالیہ کو اس طریقے سے دنیا میں سب سے زیادہ ماحولیاتی ایوارڈ حاصل کرنے والے شہر کی حیثیت حاصل ہو گئی ہے۔

انٹرنیشنل بلیو فلیگ جیوری 2019 کے بلیوفلیگ ایوارڈز کا اعلان کردیا ہے۔ انٹرنیشنل بلیو فلیگ جیوری کے مطابق اس سال دنیا میں 463 بیچیز کوبلیو فلیگ سے نوازا گیا ہے جس میں سے 202 کا تعلق ترکی سے ہے۔

انٹرنیشنل بلیو فلیگ جیوری کہ مطابق انطالیہ کے علاوہ 102 بیچز موعلا اور 49 بیچز ازمیر میں واقع ہیں۔ ترکی کی ماحولیاتی فاؤنڈیشن کے ڈرایکٹر جنرل مراد ییت اول نے کہا کہ اس وقت تک دنیا میں بلیو فلیگ حاصل کرنے والے ممالک میں اسپین اور یونان کے بعد ترکی کا تیسرا نمبر ہے۔

ان کا مزید کہنا تھا کہ شہر کے لحاظ سے سب سے زیادہ بلیو فلیگ انطالیہ شہر کو حاصل ہوئے ۔انہوں نے کہا کہ امسال سب سے زیادہ بلیو فلیگ حاصل کرنے والے ممالک میں ترکی سر فہرست ہے۔

Comments

comments

یہ بھی پڑھیں