انقرہ : ترک صدر رجب طیب ادروان نے خوفناک زلزلے کے بعد ملک میں تاریخ کی سب سے بڑی ایمرجنسی کا اعلان کردیا۔
تفصیلات کے مطابق خوفناک زلزلے کے بعد ترک صدر نے تاریخ کی سب سے بڑی ایمرجنسی نافذ کرتے ہوئے اقوام عالم سے مدد کی اپیل کردی۔
ترک نائب صدر فوعاد اوکتے نے بتایا ہے کہ زلزے سے 284 اموات ہوئیں،1700عمارتیں ملبے کا ڈھیربن گئیں جبکہ 2 ہزار 323 افراد زخمی ہیں۔
فوعاد اوکتے کا کہنا تھا کہ زیادہ تباہی بلند عمارتیں گرنے کے نتیجےمیں ہوئیں، ریسکیو کاکام جاری ہے اور اموات میں اضافے کا خدشہ ہے۔
دوسری جانب امریکا نے فوری مدد کا اعلان کرتےہوئے ریسکیو ٹیمیں اورامدادی سامان روانہ کردیا اور آذربائیجان نے تین سوستررکنی ریسکیو ٹیم ترکیے روانہ کردی۔
سعودی عرب، ایران اوربرطانیہ نےبھی مددکی پیشکش کی ہے جبکہ ہالینڈنےریسکیو ٹیموں کو فوری ترکیے اور شام پہنچنے کی ہدایت کی ہے۔
