تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ترکی نے چار ممالک سے پروازوں کی آمد ورفت معطل کردی

استنبول : ترکی حکومت نے اس بات کی تصدیق کردی ہے کہ کورونا وائرس کی موجودہ صورتحال کے پیش نظر ترکی نے چار ممالک سے پروازوں کی آمد ورفت عبوری طور پر معطل کردی ہیں۔

اس حوالے سے ترکی کے وزیر صحت فخرالدین قوجا نے سماجی رابطے کی ویب سائٹ ٹویٹر پر اپنے پیغام میں لکھا ہے کہ کورونا وائرس کی ساخت میں نئی تبدیلی آنے کے ساتھ ہی برطانیہ میں پھیلاؤ کی رفتار میں اضافے کا اعلان کیا گیا ہے۔

اس سلسلے میں ترک صدر رجب طیب ایردوان کی ہدایت اور وزارت انفرااسٹرکچر و مواصلات کی تدابیر کے تحت برطانیہ، ڈنمارک، ہالینڈ اور جنوبی افریقہ سے ہمارے ملک کو پروازوں کو عبوری طور پر معطل کیے جانے کا فیصلہ کیا گیا ہے۔

وزیر صحت فخرالدین قوج نے کہا کہ ان تدابیر کے دائرہ کار میں اس وقت سفر میں ہونے والے تمام تر مسافروں کا کورونا ٹیسٹ کیا جائے گا اور قرنطینہ اصولوں پر عمل درآمد کیا جائیگا۔

خیال رہے کہ عالمی ادارہ صحت نے برطانیہ میں تعین کردہ کورونا وائرس کی نئی تغیر شدہ ساخت کا ہالینڈ ، ڈنمارک اور آسڑیلیا میں بھی مشاہدہ ہونے کی اطلاع دی تھی۔

برطانیہ میں کورونا وائرس کی نئی قسم کی دریافت نے پوری دنیا کو تشویش میں مبتلا کردیا ہے، کورونا کے اس نئے اسٹرین کو سپر اسپریڈر قرار دیا جا رہا ہے اس کی وجہ سے برطانیہ میں کورونا کے کیسز میں تیزی سے اضافہ ہوا ہے۔

دوسری جانب بھارت نے بھی برطانیہ میں کورونا وائرس کی نئی اور خطرناک قسم کی دریافت کے بعد وہاں سے آنے والی سبھی پروازوں پر عارضی پابندی عائد کردی ہے۔

Comments

- Advertisement -