انقرہ: جرمن وزیر خزانہ پیٹر آلٹمائر نے ترک ہم منصب بیرت البیراک سے ملاقات کی اس دوران دونوں ملکوں کے درمیان بہتر تعلقات پر زور دیا گیا۔
تفصیلات کے مطابق دونوں ملکوں کے وزرائے خزانہ نے باہمی تعلقات میں کشیدگی کو ختم کرتے ہوئے اس بات کا عزم کیا کہ دنوں ملکوں کے درمیان تعلقات مضبوط ہونے چاہیئیں۔
غیر ملکی خبر رساں ادارے کے مطابق جرمن وزیر خزانہ پیٹر آلٹمائر نے آج ترکی کے دارلحکومت انقرہ میں اپنے ترک ہم منصب سے ملاقات کے بعد کہا کہ حالیہ برسوں کے دوران تناؤ ختم کرتے ہوئے تجارتی تعلقات کو فروغ دیا جائے گا۔
جرمن وزیر خزانہ کے ہمراہ تیس ارکان پر مشتمل ایک تجارتی وفد بھی ترکی کا دو روزہ دورہ کر رہا ہے، دورہ کے موقع پر تجارتی معاملات بھی زیر موضوع ہیں۔
ترک صدر نے اپنے دورہ جرمنی کو کامیاب قرار دے دیا
خیال رہے کہ 2016 میں ترکی میں ہونے والی ناکام فوجی بغاوت کے بعد سے برلن اور انقرہ کے تعلقات انتہائی کشیدہ تھے، ترک حکومت نے دو جرمن شہریوں کو بھی ناکام فوج بغاوت میں ملوث ہونے کے شبہے میں گرفتار کرتے ہوئے سزائیں سنائی تھی۔
بعد ازاں دونوں ملکوں کے مابین ایک دوسرے کے خلاف سخت بیانات کا تبادلہ بھی ہوا تھا، تاہم گزشتہ برس اکتوبر اور رواں برس فروری میں دونوں جرمن شہریوں کو رہا کر دیا گیا تھا۔
دوسری جانب انقرہ حکومت برلن پر یہ الزام بھی عائد کرتی ہے کہ اس نے کالعدم کردستان ورکرز پارٹی (پی کے کے) کو ملک میں کام کرنے کی اجازت دے رکھی ہے، جو ناکام فوجی بغاوت میں ملوث ہے۔
