The news is by your side.

Advertisement

سفری پابندیاں ، ترکی نے پاکستانی مسافروں کو بڑا ریلیف دے دیا

اسلام آباد : ترکی نے پاکستان سےآنے والے مسافروں کیلئے نرمی کردی ،  جس کے بعد مسافروں کو 14 کے بجائے 10دن کا قرنطینہ کرنا ہوگا۔

تفصیلات کے مطابق ترکی میں کورونا پابندیوں میں نرمی کیساتھ نئی سفری ہدایات جاری کردی گئی ہے، جس کے تحت ترکی نےپاکستان سےآنے والےمسافروں کیلئےنرمی کردی، جس کے بعد پاکستان سے آنے والے مسافروں کو اب 14روز کے بجائے 10 دن کا قرنطینہ کرنا ہو گا۔

انقرہ سے جاری ایک پریس ریلیز میں کہا گیا ہے کہ ، بنگلہ دیش ، برازیل ، ہندوستان ، نیپال ، جنوبی افریقہ ، اور سری لنکا سے آنے والے مسافروں کیلئے قرنطینہ کی شرط 14روز ہی برقرار رہے گی۔

یاد رہے کہ ترکی نے کورونا وبا کے پھیلاؤکی روک تھام کیلئے پاکستان سمیت متعدد ممالک پر 14 روز قرنطینہ کی پابندی عائد کردی تھی اور کہا گیا تھا کہ چودہ دن بعد بھی کسی کا ٹیسٹ پازیٹو آیا تو مزید آئسولیشن کرنا ہوگی۔ اسی طرح برطانیہ، ایران، مصر اور سنگاپور سے آنے والوں کو بھی ترکی میں داخلے سے 72 گھنٹے پہلے پی سی آر ٹیسٹ دینا ہوگا۔

جس پر ترجمان دفتر خارجہ کا کہنا تھا کہ پاکستانی سفارت خانہ انقرہ کے فیصلے پر ترک حکام سے رابطے میں ہے اور استنبول میں پھنسے ہوئے پاکستانیوں کی مدد کی کوشش کررہا ہے، سفار تخانےکی جانب سے معاملہ اٹھائے جانے کے بعد ترک حکام نے پاکستانیوں کو ایک دن کا استثنیٰ بھی دیا۔

Comments

یہ بھی پڑھیں