استنبول: ترکی میں ہونے والے انتخابات میں جسٹس اینڈ ڈیولپمنٹ پارٹی نے واضح کامیابی حاصل کرتے ہوئے یک جماعتی حکومت بنانے لائق اکثریت حاصل کرلی ہے جس سے موجودہ صدررجب طیب اردگان مزید مضبوط ہوں گے تاہم خدشہ طاہر کیا جارہا ہے کہ اس سے ملک میں مزید خلیج بڑھے گی۔
ترکی میں ہونے والے انتخابات میں قدامت پسند اسلامی جماعت نے ایک بار پھر اکثریت حاصل کرلی ہے جس سے پانچ ماہ قبل وہ محروم ہوگئے تھے۔
اس موقع پر ترک صدراردگان کا کہنا تھا کہ عوام نے کرد باغیوں اور جہادی حملوں سے بچاوٗ اور ملک میں استحکام کے لئے ووٹ دیا ہے۔
انتخابات کے نتائج سے اسٹاک مارکیٹ اورترکی لیرے کو بھی استحکام ملا ہے جو کہ جون میں ہونے والے انتخابات کے بے نتیجہ ہونے کے سبب عدم استحکام کا شکارتھے۔
جسٹس اینڈ فریڈم پارٹی نے 2002 سے اب تک تمام انتخابات میں فتح حاصل کی ہے اور موجودہ نتئاج کے مطابق پارلیمنٹ کی 550 میں سے 317 نشستوں پر کامیابی حاصل کی ہے۔