انقرہ : ترکیہ اور شام میں قیامت خیز زلزلے سے اموات کی تعداد 15ہزار سے تجاوزکرگئی اور40 ہزارسے زائد افراد زخمی ہیں۔
تفصیلات کے مطابق ترکیہ اور شام میں زلزلے کے چوتھے روز بھی اموات کا سلسلہ نہ تھم سکا، ملبے تلے دب کر جاں بحق افراد کی تعداد15 ہزار سے تجاوز کرگئی اور چالیس ہزارسے زائد افراد زخمی ہیں۔
صرف ترکیہ میں 12 ہزار تین سواکناوے شہری جان سے گئے اور 62ہزارسےزائد زخمی ہوئے جبکہ شام میں 2 ہزار 992 افراد جاں بحق ہوئے۔
تباہ کن زلزلے سے کروڑوں افراد متاثرہوئے ہیں اور ملبے تلے دبے افراد کو نکالنے کیلئے مختلف ممالک کی ریسکیو ٹیموں کا آپریشن تاحال جاری ہے۔
ہولناک زلزلے میں پانچ ہزار سے زیادہ عمارتیں متاثر ہوئیں۔۔ترک صدر نے متاثرہ علاقوں میں تین ماہ کیلئے ایمرجنسی نافذ کردی ہے۔
زلزلےسےسب سےزیادہ سرحدی صوبہ حاطےمتاثر ہوا جہاں سب تہیس نہیس ہوگیا، اموات کی تعداد ایک ہزار ہوگئیں ،زلزلے سے پانی کی پائپ لائن بھی پھٹ گئی۔۔جس کی وجہ سے مختلف علاقے زیر آب آگئے۔
حاطےمیں اسکندرون کی بندرگاہ پر لگی آگ کو ستائس گھنٹے بعد بجھادیا گیا جبکہ اسپتال ملبے کا ڈھیر بن گیا۔
زلزلے کے باعث ترکیے کے صوبے حاطے کو شام کے شہر حلب سے ملانے والی مرکزی سڑک تباہ ہو گئی۔۔۔۔سڑک میں بری بری دراڑیں پڑ گئیں اور گاڑیاں پھنس گئیں، سڑکیں تباہ ہونے کی وجہ سے شام میں عالمی امداد کی ترسیل میں مشکلات ہورہی ہیں
خیال رہے امریکا، برطانیہ، کینیڈا،سعودی عرب اور جرمنی سمیت مختلف علاقوں سے ترکیے اور شام میں زلزلے سے امداد پہنچ رہی ہے۔
