امریکا ترکی کو ایف 35 طیارے فراہم کرے گا Turkey to receive F-35 jets
The news is by your side.

Advertisement

امریکا، ترکی کو ایف 35 طیارے فراہم کرے گا

واشنگٹن: کانگریس کی مخالفت کے باوجود امریکا اس ہفتے ترکی کو ایف 35 جوائنٹ اسٹرائیک فائٹر فراہم کرے گا۔

غیر ملکی خبر رساں ادارے کے مطابق ایف 35 بنانے والا ادارہ لوک ہیڈ مارٹن ٹیکساس کے شہر فورٹ ورتھ میں ایک تقریب کا انعقاد کررہا ہے جس میں ترکی کو نئے جیٹ فراہم کئے جائیں گے۔

امریکی قانون سازوں کو ترکی کی جانب سے ایک امریکی پاسٹر کو قید کرنے اور روسی ایس 400 ایئر ڈیفنس سسٹم خریدنے کے منصوبے پر تشویش لاحق ہے، جس کے لیے اس کا کہنا ہے کہ اس سے نیٹو اتحاد کی عام سلامتی میں ابتری آئے گی۔

نیشنل ڈیفنس اتھارائزیشن ایکٹ کے تحت ایوان نمائندگان اور سینیٹ نے دو بل منظور کیے تھے، جن میں ایف 35 پروگرام میں ترکی کی شرکت پر پابندیاں عائد ہیں۔

پینٹاگون کے ترجمان کے مطابق جیٹ طیارے دئیے جانے کے بعد ترکی کے جیٹ طیارے کسی اور دن ایریزونا میں قائم لوک ایئرفورس بیس کی جانب پرواز کریں گے جہاں ترک پائلٹ انہیں اُڑانے کی تربیت لیں گے۔

ترکی کے ایف 35 پائلٹ اور مکینک لوک ایئرفورس بیس پہنچ چکے ہیں اور بہت جلد پرواز کی تربیت حاصل کرنا شروع کردیں گے، واضح رہے کہ ترک وزیر دفاع نور الدین نے کہا تھا کہ ایف 35 جنگی طیاروں کی خرید کے سلسلے میں ترکی 11 ارب ڈالر ادا کرے گا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں