The news is by your side.

Advertisement

‏’ترکی جلد ہی دنیا کی 10 بڑی معیشتوں میں سے ایک ہوگا’‏

ترک صدر رجب طیب اردوان نے اس عزم کا اظہار کیا ہے کہ ترکی جلد ہی دنیا کی 10 بڑی معیشتوں ‏میں سے ایک ہوگا۔

ترک میڈیا کے مطابق صدر اردوان نے کہا کہ عالمی وبا میں ترکی جی 20 ممالک میں سب سے تیز ‏رفتار معاشی قوت بن کر ابھرا ہے اور آنے والے عرصے میں ترکی دنیا کی 10 بڑی معیشتوں میں سے ‏ایک ہوگا۔

اس سے قبل استنبول میں منعقدہ پریس کانفرنس میں صدر اردوان نے سال 2021 میں ‏غیرملکی ‏تجارت کے اعداد و شمار پیش کیے تھے۔

انہوں نے کہا کہ ترکی کی 2021ء میں برآمدات 225.36 بلین ڈالر رہیں گزشتہ سال کے مقابلے میں ‏‏‏32.9 فیصد اضافہ ہوا جو کہ تاریخ میں ایک ریکارڈ ہے۔

صدر ایردوان کا کہنا تھا کہ غیرملکی تجارت کا حجم 2002 میں صرف 87.6 بلین ڈالر تھا جو 2021 ‏‏میں بڑھ کر 469.7 بلین ڈالر تک پہنچ گیا۔

ترکی بحرانوں پر پانے والا ہی نہیں بلکہ بحرانوں کو اپنے حق میں بدلنے والے ملک کی حیثیت ‏‏اختیار کر چکا ہے، ہم برآمد شدہ مصنوعات میں 75 اقسام تک رسائی حاصل کر چکے ہیں جو کہ ‏‏جمہوریہ کی تاریخ میں سب سے زیادہ برآمدی اقسام کی حیثیت رکھتے ہیں۔

Comments

یہ بھی پڑھیں