آرمینیا سے کاراباغ کا قبضہ چھڑانے پر ترکی نے آذربائیجان کے شہریوں کو آزادی کا بہترین تحفہ پیش کرتے ہوئے صرف شناختی کارڈ پر داخلے کی اجازت دینے کا اعلان کیا ہے۔
ترک وزیرخارجہ مولود چاوش اولو نے کہا ہے کہ عنقریب ترکی اور آذربئیجان کے شہری صرف شناختی کارڈ پر ایک دوسرے کے ممالک میں سیروتفریح کر سکیں گے۔
ٹوئٹر پر جاری بیان میں انہوں نے بتایا کہ آذری ہم منصب کے ساتھ اس معاملے پر ایک پروٹوکول پر دستخط کیے ہیں جس کے تحت صرف شناختی کارڈ پر ہی ترکی اور آذربائیجان کے ساتھ سیروسیاحت ممکن ہو سکے گی۔
Pasaport ❌
Vize ❌
Kimlik Kartı ✅Kardeşim @bayramov_jeyhun’la imzaladığımız protokolle Türkiye-Azerbaycan arasında çok yakında sadece kimlik kartımızla seyahat edebileceğiz.
“Tek Millet İki Devlet”e de bu yakışır!
Hayırlı olsun! 🇹🇷🇦🇿 pic.twitter.com/ckWtgLWpk9— Mevlüt Çavuşoğlu (@MevlutCavusoglu) December 10, 2020
ترک وزیرخارجہ نے لکھا کہ یک ملت دو ریاست کو یہی زیب دیتا ہے اور یہ عملدرآمد خیر وبرکت کا وسیلہ بنے گا۔
یہ پیش رفت ترک صدر رجب طیب اردوان کاراباغ کی آرمینی قبضے کی رہائی کی مناسبت سے صدر الہام علییف کی جانب سے مدعو کیے جانے پر مسلح افواج کی پریڈ میں شرکت کے بعد سامنے آئی ہے۔
ترک صدر نے پریڈ سے خطاب میں کہا تھا کہ آذربائیجان داستانیں رقم کرنا جاری رکھے گا، آذربائیجان کا اپنی سرزمین کو آزاد کروانا جدوجہد ختم ہونے کا مفہوم نہیں رکھتا اگر آرمینی عوام کاراباغ جنگ سے سبق سیکھ لیتی ہے تو یہ چیز علاقے میں نئے دور کا آغاز ثابت ہوگی۔